പത്തനംതിട്ട: ആശുപത്രി പരിസരത്ത് ഡിവൈഎഫ്ഐ പൊതിച്ചോറ് നല്കുന്നതിനെതിരെ വീണ്ടും ആരോഗ്യ മന്ത്രി കെ മുരളീധരന്. ആശുപത്രികള്ക്കകത്ത് രാഷ്ട്രീയ പ്രവര്ത്തനം അനുവദിക്കില്ലെന്നും എന്തുവിലകൊടുത്തും തടയുമെന്നും മന്ത്രി പറഞ്ഞു. യുഡിഎഫ് സര്ക്കാരിന്റെ നയമാണത്. കമ്മ്യൂണിറ്റി കിച്ചന് വഴി മാത്രം ആശുപത്രിക്കുള്ളില് ഭക്ഷണം നല്കാവൂ. സന്നദ്ധ സംഘടനകളുമായി ഉടന് ചര്ച്ച ചെയ്യുമെന്നും മന്ത്രി പത്തനംതിട്ടയില് പറഞ്ഞു.
ഡിവൈഎഫ്ഐ എന്നല്ല യൂത്ത് കോണ്ഗ്രസിന്റെയൊ സേവാഭാരതിയുടെയൊ രാഷ്ട്രീയ പ്രവര്ത്തനം ആശുപത്രിക്ക് ഉള്ളില് അനുവദിക്കില്ലെന്നും കെ മുരളീധരന് വ്യക്തമാക്കി. മെഡിക്കല് സര്വീസസ് കോര്പ്പറേഷന്റെ ടെന്നീസ് ക്ലബ് അംഗത്വവുമായി ബന്ധപ്പെട്ടും മന്ത്രി പ്രതികരിച്ചു. വകുപ്പിന് അത്തരം ഒരു അംഗത്വം ആവശ്യമില്ല. അടിയന്തര റിപ്പോര്ട്ട് തേടിയിട്ടുണ്ടെന്നും നടപടി ഉണ്ടാകുമെന്നും മന്ത്രി വ്യക്തമാക്കി.
