റെഡ്മി 9 പവറിന്റെ പുതിയ 6 ജിബി റാം പതിപ്പെത്തി; 12,999 രൂപ
കഴിഞ്ഞ വര്ഷം ഡിസംബറില്‍ ചൈനീസ് സ്മാര്ട്ട്ഫോണ് നിര്‍മ്മാതാക്കളായ ഷവോമി റെഡ്മി 9 ശ്രേണിയില്‍ അവതരിപ്പിച്ച ഫോണ്‍ ആണ് റെഡ്മി 9 പവര്‍. ക്വാഡ് കാമറ, ഏറ്റവും പുതിയ MIUI ഓപ്പറേറ്റിംഗ് സിസ്റ്റം എന്നിവ ഹൈലൈറ്റായ റെഡ്മി 9 പവര്‍ രണ്ട് പതിപ്പുകളിലാണ് വിപണിയിലെത്തിയത് - 4 ജിബി റാം + 64 ജിബി സ്റ്റോറേജ് (10,999 രൂപ), 4 ജിബി റാം + 128 ജിബി സ്റ്റോറേജ് (11,999 രൂപ). അതെ സമയം ലോഞ്ച് ചെയ്ത് അധികം താമസമയല്ലാതെ വിപണിയില്‍ കൂടുതല്‍ റാമുള്ള റെഡ്മി 9 പവറിനായി ആവശ്യമുയര്‍ന്നിരുന്നു. ഒടുവില്‍ 6 ജിബി പതിപ്പ് ഷവോമി വിപണിയിലെത്തിച്ചു.
6 ജിബി റാമും+ 128 ജിബി സ്റ്റോറേജുമുള്ള പുത്തന്‍ പ്രീമിയം പതിപ്പിന് 12,999 രൂപയാണ് വില. 4 ജിബി റാം പതിപ്പിന് സമാനമായി ബ്ലെയ്സിംഗ് ബ്ലൂ, ഇലക്ട്രിക്ക് ഗ്രീന്‍, ഫിയറി റെഡ്, മൈറ്റി ബ്ലാക്ക് എന്നിങ്ങനെ നാല് നിറങ്ങളില്‍ റെഡ്മി 9 പവറിന്റെ 6 ജിബി പതിപ്പും വാങ്ങാം. മികച്ച റാം എന്നുള്ളത് മാറ്റി നിര്‍ത്തിയാല്‍ പുതിയ പതിപ്പിന് വ്യത്യാസങ്ങള്‍ ഒന്നും തന്നെയില്ല.
6.53-ഇഞ്ച് (2,340x1,080 പിക്‌സല്‍) ഫുള്‍-എച്ഡി+ ഡിസ്പ്ലേയായാണ് റെഡ്മി 9 പവറിന്. 19.5:9 ആസ്‌പെക്ട് റേഷ്യോയും, 400 നിറ്റ്‌സ് ബ്രൈറ്റ്‌നെസ്സുമുള്ള ഡിസ്പ്ലേയ്ക്ക് കോര്‍ണിങ് ഗോറില്ല ഗ്ലാസ് 3 സംരക്ഷണവുമുണ്ട്.. ആന്‍ഡ്രോയിഡ് 10 അടിസ്ഥാനമായ എംഐയുഐ 12 ആണ് ഓപ്പറേറ്റിംഗ് സിസ്റ്റം. അഡ്രെനോ 610 ഗ്രാഫിക്‌സുമായി ചേര്‍ന്ന് പ്രവര്‍ത്തിക്കുന്ന ക്വാല്‍കോം സ്‌നാപ്പ്ഡ്രാഗണ്‍ 662 SoC പ്രോസസ്സര്‍ ആണ് ഫോണിന്റെ കരുത്ത്.
48 മെഗാപിക്സല് പ്രൈമറി സെന്‍സര്‍, 8 മെഗാപിക്സല് വൈഡ് ആംഗിള്‍ ലെന്‍സ്, 2 മെഗാപിക്സല് മാക്രോ ലെന്‍സ്, 2 മെഗാപിക്സല് ഡെപ്ത് സെന്‍സര്‍ എന്നിവ ഉള്‍പ്പെടുന്ന ക്വാഡ് റിയര്‍ ക്യാമറയാണ് ഫോണിന്. 30fps-ല്‍ 1080p വീഡിയോകള്‍ ഷൂട്ട് ചെയ്യാന്‍ റെഡ്മി 9 പവറിലെ ക്യാമറയ്ക്ക് സാധിക്കും. സെല്‍ഫികള്‍ക്കും വീഡിയോ കോളുകള്‍ക്കുമായി 8 മെഗാപിക്‌സലിന്റെ കാമറയാണ് മുന്‍വശത്ത്.
18W ഫാസ്റ്റ് ചാര്‍ജിംങ് സപ്പോര്‍ട്ട് 6,000mAh ബാറ്ററിയായാണ് ഹാന്‍ഡ്‌സെറ്റിന്. മൈക്രോ എസ്ഡി കാര്‍ഡ് വഴി 512 ജിബി വരെയായി വര്‍ദ്ധിപ്പിക്കാവുന്നതാണ് റെഡ്മി 9 പവറിന്റെ ഇന്റെര്‍ണല്‍ മെമ്മറി. 4ജി, ബ്ലൂടൂത്ത് വി 4.2, വൈ-ഫൈ 02.11 എ/ബി/ജി/എന്‍/എസി, യുഎസ്ബി ടൈപ്പ്-സി പോര്‍ട്ട്, ഹെഡ്ഫോണ്‍ ജാക്ക് എന്നിവയാണ് കണക്ടിവിറ്റി ഓപ്ഷനുകള്‍.
