അനൂപ് മേനോന്റെ ഫെയ്‌സ് ബുക്ക് പേജ് ഹാക്ക് ചെയ്തു . ഫണ്ണി വീഡിയോകള്‍ പോസ്റ്റ് ചെയ്ത് ഹാക്കര്‍മാര്‍
തന്റെ ഫേസ്ബുക്ക് പേജ് ഹാക്ക് ചെയ്യപ്പെട്ടുവെന്ന് നടന് അനൂപ് മേനോന്‍. ഇന്‍സ്റ്റഗ്രാമിലൂടെയാണ് അനൂപ് ഇത് അറിയിച്ചിരിക്കുന്നത്. 15 ലക്ഷത്തോളം ഫോളോവേഴ്‌സുള്ള തന്റെ പേജ് ഹാക്ക് ചെയ്തവര്‍ ഫണ്ണി വീഡിയോകളും മറ്റും പോസ്റ്റ് ചെയ്തുകൊണ്ടിരിക്കുകയാണെന്നും അനൂപ് മേനോന്‍ അറിയിച്ചു.
'പ്രിയമുള്ളവരേ, എന്റെ ഔദ്യോഗിക ഫേസ്ബുക്ക് പേജ് ഹാക്ക് ചെയ്യപ്പെട്ടുവെന്ന് നിങ്ങളെ അറിയിക്കുന്നതിനായാണ് ഈ കുറിപ്പ്. ഇത് തിങ്കളാഴ്ചയാണ് ഹാക്കിങ് നടന്നത്. പേജില്‍ ഉണ്ടായിരുന്ന നാല് അഡ്മിനുകളെയും ഹാക്കര്‍ നീക്കം ചെയ്തിരിക്കുകയാണ്. 15 ലക്ഷം സുഹൃത്തുക്കള്‍ ഉള്ള എന്റെ പേജിലൂടെ ഇപ്പോള്‍ അവര്‍ ഫണ്ണി വീഡിയോകളും സ്റ്റഫുകളും അപ്ലോഡുചെയ്യുകയാണ്
ഞങ്ങള്‍ ഫേസ്ബുക്കിനെയും സൈബര്‍ സെല്ലിനെയും അറിയിച്ചിട്ടുണ്ട്, ഇക്കാര്യം പരിശോധിക്കുമെന്ന് അവര്‍ ഞങ്ങള്‍ക്ക് വാഗ്ദാനം ചെയ്തിട്ടുണ്ട്. പേജ് വീണ്ടെടുക്കുന്നതുവരെ ഇത് നിങ്ങള്‍ ഒരു അറിയിപ്പായി എടുക്കേണ്ടതുണ്ട്. നിങ്ങളുമായി ഉടന്‍ സംവദിക്കാനാവുമെന്ന് പ്രതീക്ഷിക്കുന്നു. കുതിരപ്പുറത്തിരിക്കുന്ന ഒരു രാജാവിന്റെ വേഷത്തിലുള്ളൊരാളുടെ ചിത്രമാണ് ഹാക്ക് ചെയ്തവര്‍ ഇപ്പോള്‍ പ്രൊഫൈല്‍ ചിത്രമാക്കിയിരിക്കുന്നതെന്നും' അനൂപ് മേനോന്‍ കുറിച്ചിരിക്കുകയാണ്. കിങ് ഫിഷ്, പദ്മ, 21 ഗ്രാംസ് തുടങ്ങി നിരവധി സിനിമകളാണ് അനൂപ് മേനോന്‍ നായകനായി ഇറങ്ങാനിരിക്കുന്നത്.
