ഹരിത നേതാക്കളെ അപമാനിക്കല്‍:
എം.എസ്.എഫ്. നേതാക്കള്‍ക്കെതിരെയും നടപടി;
പി.കെ.നവാസിനെ സ്ഥാനത്ത് നിന്ന് മാറ്റിയേക്കും
കോഴിക്കോട്: ഹരിത നേതാക്കളെ എം.എസ്.എഫ് ഭാരവാഹികള്‍ അധിക്ഷേപിച്ചതുമായി ബന്ധപ്പെട്ട സംഭവത്തില്‍ എം.എസ്.എസ്. നേതാക്കള്‍ക്കെതിരെയും മുസ്ലിം ലീഗ് നടപടിയെടുത്തേക്കും. ആരോപണ വിധേയനായ പി.കെ. നവാസിനെ എം.എസ്.എഫ്. സംസ്ഥാന പ്രസിഡന്റ് സ്ഥാനത്ത് നിന്ന് നീക്കം ചെയ്യുമെന്നും സൂചന.
അതേ സമയം ആരോപണ വിധേയരായ എം.എസ്.എഫ്. നേതാക്കള്‍ പരസ്യമായി മാപ്പ് പറയണമെന്ന നിലപാടിലുറച്ചാണ് ഹരിത. സ്ത്രീ വിരുദ്ധ പരാമര്‍ശം നടത്തിയ എം.എസ്.എഫ്. നേതാക്കളെ സ്ഥാനത്ത് നിന്ന് നീക്കണമെന്നും 'ഹരിത' ലീഗ് നേതൃത്വത്തോട് ആവശ്യപ്പെട്ടു. ഇന്ന് നിലപാട് അറിയിക്കാന്‍ എം.എസ്.എഫ്.ന് മുസ്ലിം ലീഗ് നേതൃത്വം സമയം നല്കി. എം.എസ്.എഫ്. - ഹരിത വിവാദത്തില്‍ ഇരുവിഭാഗവുമായി ലീഗ് നേതൃത്വം ചര്‍ച്ച നടത്തി.
Rിത
ഹരിത നേതാക്കളെ എം.എസ്.എഫ് ഭാരവാഹികള്‍ അധിക്ഷേപിച്ചതുമായി ബന്ധപ്പെട്ട പ്രശ്നങ്ങള് പരിഹരിക്കാന്‍ മുസ്ലിം ലീഗ് ഉന്നത നേതൃത്വം ഇരു വിഭാഗവുമായും കൂടിക്കാഴ്ച നടത്തി. മലപ്പുറം ലീഗ് ഹൗസിലാണ് ചര്‍ച്ച നടത്തിയത് . ഇന്നലെ വൈകുന്നേരം തുടങ്ങിയ ചര്‍ച്ച രാത്രി വൈകിയും തുടര്‍ന്നു. രാത്രി 12 മണിയോടെയാണ് ചര്‍ച്ച അവസാനിച്ചത്. മുസ്?ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി, ഇ.ടി മുഹമ്മദ്? ബഷീര്‍ എം.പി, എം.കെ. മുനീര്‍ എം.എല്‍.എ, സംസ്ഥാന ജനറല്‍ സെക്രട്ടറി പി.എം.എ. സലാം എന്നിവരാണ് ഇരു വിഭാഗവുമായി സംസാരിച്ചത്.
എം.എസ്.എഫ് സംസ്ഥാന പ്രസിഡന്റ് പി.കെ നവാസിനോട് വിശദീകരണം നല്‍കാന്‍ ലീഗ് നേതൃത്വം ആവശ്യപ്പെട്ടിരുന്നു. 15 ദിവസത്തെ കാലാവധിയാണ് നല്‍കിയിരുന്നത്. അടുത്ത മാസം അഞ്ചിനാണ് കാലാവധി തീരുന്നത്. ജൂണ്‍ 22ന് കോഴിക്കോട് ചേര്‍ന്ന എം.എസ്.എഫ് സംസ്ഥാന കമ്മിറ്റി യോഗത്തില്‍ എം.എസ്.എഫ് സംസ്ഥാന പ്രസിഡന്റ് പി.കെ നവാസ് ഹരിത നേതാക്കള്‍ക്കെതിരെ സ്ത്രീ വിരുദ്ധ പരാമര്‍ശം നടത്തിയെന്നാണ് ഹരിത നേതാക്കളുടെ പരാതി.
