ജെഡിയു മോദി സര്‍ക്കാരിന്റെ ഭാഗമായേക്കും
ആര്‍സിപി സിംഗിനും ലല്ലന്‍ സിംഗിനും സാധ്യത
ദില്ലി: ജെഡിയു മോദി സര്‍ക്കാരിന്റെ ഭാഗമാകുന്നുവെന്ന് സൂചന. ഇത് സംബന്ധിച്ച് ജെഡിയു അധ്യക്ഷന്‍ ആര്‍പി സിംഗ് ചര്‍ച്ച നടത്തിയെന്നാണ് പുറത്ത് വരുന്ന റിപ്പോര്‍ട്ട്. ജെഡിയു മോദി സര്‍ക്കാരിന്റെ ഭാഗമാകുന്നുവെന്ന വാര്‍ത്ത ആദ്യം പുറത്ത് വിടുന്നത് ജെഡിയു ബിഹാര്‍ പ്രസിഡന്റ് ഉമേശ് കുശ്വാഹയാണ്. മന്ത്രിസഭയുടെ ഭാഗമാകുന്നില്ലെന്നായിരുന്നു ജെഡിയുവിന്റെ ആദ്യ നിലപാടെങ്കിലും, നിലവില്‍ ഈ തീരുമാനത്തില്‍ മാറ്റം വന്നിരിക്കുകയാണ്.
ജെഡിയുവിന് നിലവില്‍ 16 എംപിമാരാണ് ഉള്ളത്. അതുകൊണ്ട് തന്നെ മൂന്ന് മുതല്‍ നാല് പേരെ വരെ കേന്ദ്ര കാബിനറ്റിലേക്ക് ആവശ്യപ്പെടാന്‍ ജെഡിയുവിന് സാധിക്കും. ജെഡിയുവില്‍ നിന്ന് ആര്‍സിപി സിംഗിനും ലല്ലന്‍ സിംഗിനും സാധ്യതയുണ്ട്.
