ദില്ലി : ഒരു ഇടവേളയ്ക്ക് ശേഷം പശ്ചിമേഷ്യ വീണ്ടും സംഘര്‍ഷഭരിതം. ഗാസയിലും ലെബനോനിലും ഇസ്രായേല്‍ തുടര്‍ച്ചയായ വ്യോമക്രമണം നടത്തി. ലെബനോനില്‍ നിന്നുണ്ടായ റോക്കറ്റ് ആക്രമണത്തിന് തിരിച്ചടി ആയാണ് ഇസ്രായേല്‍ വ്യോമാക്രമണം. ഹമാസ് ഭീകരര്‍ ആണ് വ്യോമക്രമണം നടത്തിയതെന്നും തിരിച്ചടി നല്‍കുമെന്നും ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു പറഞ്ഞു. എന്നാല്‍ ലെബനോനില്‍ നിന്ന് ഇസ്രായേലിലേക്ക് റോക്കറ്റ് ആക്രമണം നടത്തിയത് തങ്ങള്‍ അല്ലെന്നാണ് ഹമാസ് പറയുന്നത്. ഹമാസിന്റെ ആയുധ നിര്‍മാണ ഫാക്ടറി തകര്‍ത്തതായി ഇസ്രായേല്‍ സൈന്യം അവകാശപ്പെട്ടു.
