മണിപ്പൂരില്‍ ഭീകരാക്രമണം; കമാന്‍ഡിംഗ് ഓഫിസറും
കുടുംബവും കൊല്ലപ്പെട്ടു: നാല് സൈനികര്‍ക്ക് വീരമൃത്യു
ദില്ലി: മണിപ്പുര്‍ അസം റൈഫിള്‍സ് വാഹനവ്യൂഹത്തിന് നേരെയുണ്ടായ ഭീകരാക്രമണത്തില്‍ ഏഴ് പേര് മരിച്ചു. റൈഫിള്‍സ് കമാന്‍ഡിംഗ് ഓഫിസര്‍ കേണല്‍ വിപ്ലവ് ത്രിപാഠിയും കുടുംബവും ആക്രമണത്തില്‍ കൊല്ലപ്പെട്ടു. നാല് സൈനികരും വീരമൃത്യുവരിച്ചു. ഇന്ന് രാവിലെ മണിപ്പൂരിലെ ചര്‍ചന്ദ് ജില്ലയിലാണ് ഭീകരാക്രമണം ഉണ്ടായത്. ത്രിപാഠിയും കുടുംബവും വാഹനവ്യൂഹവുമാണ് സംഘത്തിലുണ്ടായിരുന്നത്. ത്രിപാഠിയും ഭാര്യയും മകനും തല്‍ക്ഷണം മരിച്ചു.ആക്രമണത്തിന് പിന്നില്‍ മണിപ്പുര്‍ കേന്ദ്രീകരിച്ച് പ്രവര്‍ത്തിക്കുന്ന പീപ്പിള്‍സ് ലിബറേഷന്‍ ആര്‍മിയാണെന്നാണ് പ്രാഥമികമായി ലഭിച്ച വിവരം. ആക്രമണത്തില്‍ നിരവധി നാട്ടുകാര്‍ക്കും പരുക്കേറ്റതായാണ് റിപ്പോര്‍ട്ട് .
