മുല്ലപ്പെരിയാര്‍ അണക്കെട്ടില്‍ ഉപസമിതിയുടെ പരിശോധന ആരംഭിച്ചു
മുല്ലപ്പെരിയാര്‍ അണക്കെട്ടില്‍ ഉപസമിതിയുടെ പരിശോധന ആരംഭിച്ചു. ഷട്ടറുകള്‍ തുറന്നതിന് ശേഷമുള്ള സ്ഥിതിഗതികള്‍ വിലയിരുത്തുന്നതിനാണ് സമിതി സന്ദര്‍ശനം നടത്തുന്നത്. കേന്ദ്ര ജലക്കമ്മീഷന്‍ എക്‌സിക്യൂട്ടീവ് എഞ്ചിനീയര്‍ ശരവണ കുമാര്‍ അധ്യക്ഷനായ അഞ്ചംഗ സമിതിയാണ് അണക്കെട്ടില്‍ പരിശോധന നടത്തുന്നത്.
അതിനിടെ, അണക്കെട്ടിലേക്കുള്ള നീരൊഴുക്ക് കുറഞ്ഞതിനാല്‍ മൂന്ന് സ്പില്‍വേ ഷട്ടറുകള്‍ അടച്ചു. 1,5,6 ഷട്ടറുകളാണ് അടച്ചത്. നിലവില്‍ ഉയര്‍ത്തിയിരിക്കുന്ന 2, 3, 4 ഷട്ടറുകള്‍ 50 സെ.മീ വീതമാക്കി കുറച്ചിട്ടുണ്ട്.
പുതിയ റൂള്‍ കര്‍വ് പ്രകാരം തമിഴ്‌നാടിന് മുല്ലപ്പെരിയാറില്‍ 139.5 അടിവരെ വെള്ളം സംഭരിക്കാനാകും.
