ചലച്ചിത്ര നിര്‍മാതാവ് നജീബ് ദുബൈയില്‍ നിര്യാതനായി
ദുബൈ: മലയാള ചലച്ചിത്ര നിര്‍മ്മാതാവ് എറണാകുളം മട്ടാഞ്ചേരി കൊമ്പറമുക്ക് നജീബ് ദുബൈയില്‍ നിര്യാതനായി. 59 വയസ്സായിരുന്നു. ഹൃദയാഘാതത്തെ തുടര്‍ന്നായിരുന്നു മരണം.
മലയാള സിനിമയ്ക്ക് ഒരുപിടി ചിത്രങ്ങള്‍ സമ്മാനിച്ച ബാബു-നജീബ് കൂട്ടുകെട്ടില്‍ ഒരാളാണ് നജീബ്. മലപ്പുറം ഹാജി മഹാനായ ജോജി, സുന്ദരി നീയും സുന്ദരന്‍ ഞാനും, പടനായകന്‍ മേലെവാര്യത്തെ മാലാഖ കുട്ടികള്‍ തുടങ്ങിയ ചിത്രങ്ങള്‍ നിര്‍മ്മിച്ചു. അരയന്നങ്ങളുടെ വീട്. വജ്രം എന്നീ സിനിമകളുടെ എക്‌സിക്യൂട്ടീവ് പ്രൊഡ്യൂസറായിരുന്നു.
