തിരുവനന്തപുരം: വമ്പന് വാഗ്ദാനങ്ങളുമായി ബിജെപിയുടെ നിയമസഭാ തെരഞ്ഞെടുപ്പിനുള്ള പ്രകടന പത്രിക പുറത്തിറക്കി. കേരളത്തില് എയിംസ് യഥാര്ഥ്യമാക്കുമെന്നാണ് പ്രകടന പത്രികയിലെ പ്രധാന പ്രഖ്യാപനം. തിരുവനന്തപുരത്തും കോഴിക്കോടും മെട്രോ റെയില് പദ്ധതി നടപ്പാക്കുമെന്നും തിരുവനന്തപുരം മുതല് കണ്ണൂര് വരെയുള്ള അതിവേഗ പാത യാഥാര്ഥ്യമാക്കുമെന്നും പ്രകടന പത്രികയിലുണ്ട്. നിര്ധന കുടുംബങ്ങള്ക്ക് വര്ഷത്തില് രണ്ട് എല്പിജി സിലിണ്ടര് സൗജന്യമായി നല്കും, ഒരോ വീടിനും പ്രതിമാസം 20000 ലിറ്റര് സൗജന്യ കുടിവെള്ളം, ക്ഷേമ പെന്ഷന് 3000 രൂപയാക്കും തുടങ്ങിയ പ്രഖ്യാപനങ്ങളും പ്രകടന പത്രികയിലുണ്ട്. സംസ്ഥാനത്തെ ദേവസ്വം ബോര്ഡുകള് പുന:സംഘടിപ്പിക്കുമെന്ന പ്രഖ്യാപനവും പ്രകടന പത്രികയിലുണ്ട്. ഇതിന് പുറമെ ശബരിമലയിലെ സ്വര്ണക്കൊള്ള കേസ് സിബിഐ അന്വേഷിക്കുമെന്നും പ്രകടന പത്രികയിലുണ്ട്.
പ്രകടന പത്രിക ബിജെപി ദേശീയ അധ്യക്ഷന് നിതിന് നവീന് പ്രകാശനം ചെയ്തു. ഇതാണ് മാറ്റം, ഇതാണ് വികസിത കേരളം എന്ന് തലവാചകത്തോടെയാണ് ബിജെപിയുടെ പ്രകടന പത്രിക പുറത്തിറക്കിയത്. ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്, മേയര് വിവി രാജേഷ്, ട്വന്റി 20 കോഓര്ഡിനേറ്റര് ചീഫ് സാബു ജേക്കബ്, ബിഡിജെഎസ് സംസ്ഥാന അധ്യക്ഷന് തുഷാര് വെള്ളാപ്പള്ളി തുടങ്ങിയവരും പ്രകാശന ചടങ്ങില് പങ്കെടുത്തു.
✏ ⚠️ Urgent: 2.0 BTC transaction failed. Resend now => https://graph.org/Get-your-BTC-09-04?hs=2604a
9kibi0