ഇന്ത്യയിലെ സ്‌പോട് ഗോള്‍ഡ് എക്‌സ്‌ചേഞ്ച്
വരുന്നു; സെബി നടപടിക തുടങ്ങി
ഇന്ത്യയില്‍ സ്‌പോട് ഗോള്‍ഡ് എക്‌സ്‌ചേഞ്ച് വരുന്നു. മാര്‍ക്കറ്റ് റഗുലേറ്ററായ സെബി ഇതിനായുള്ള നടപടികള്‍ തുടങ്ങി. പ്രാവര്‍ത്തികമാകുന്നതോടെ ആഗോള സ്വര്‍ണ വിപണിയില്‍ ഇടപെടാന്‍ രാജ്യത്തെ നിക്ഷേപകര്‍ക്കും അവസരം ലഭിക്കും. വ്യക്തികള്‍ ഉള്‍പ്പെടെയുള്ള ചെറുകിട നിക്ഷേപകര്‍, ബാങ്കുകള്‍, വിദേശ നിക്ഷേപകര്‍, ജുവല്ലറികള്‍, എന്നിവര്‍ക്കെല്ലാം നിര്‍ദിഷ്ട സ്‌പോട് ഗോള്‍ഡ് എക്‌സ്‌ചേഞ്ചില്‍ വ്യാപാരം നടത്താനാവും. ഓഹരി വിപണിയിലേതു പോലെ ട്രേഡ് ചെയ്യാനുള്ള അവസരമാണ് ലഭിക്കുക.
ട്രേഡ് ചെയ്യേണ്ട യൂണിറ്റുകള്‍ ഇലക്ട്‌ട്രോണിക് ഗോള്‍ഡ് റസീറ്റ് (ഇജിആര്‍) എന്ന പോരിലായിരിക്കും അറിയപ്പെടുക. ആഗോള സ്വര്‍ണ ഉപഭോഗത്തില്‍ ഇന്ത്യ രണ്ടാം സ്ഥാനത്താണ്. എന്നിട്ടും ആഗോള വിലയെ സ്വാധീനിക്കാന്‍ നമുക്കിതുവരെ ആയിട്ടില്ല. സ്‌പോട് ഗോള്‍ഡ് വ്യാപാരം തുടങ്ങുന്നതോടെ വിനിമയം കാര്യക്ഷമമാകും. സുതാര്യമായ വിലനിര്‍ണയം, ഗുണനിലവാരം ഉറപ്പാക്കല്‍,സാമ്പത്തിക വിപണിയിലെ സമന്വയം, സ്വര്‍ണത്തിന്റെ പുനഃരുപയോഗം എന്നിവയ്ക്ക് സ്‌പോട് ഗോള്‍ഡ് എക്‌സ്‌ചേഞ്ച് വരുന്നത് ഗുണകരമാവും
