ഓഹരി സൂചികകള്‍ ഇന്ന് നേട്ടത്തില്‍ ക്ലോസ്ചെയ്തു
മുംബൈ:ഓഹരി സൂചികകള്‍ ഇന്ന് നേട്ടത്തില്‍ ക്ലോസ്ചെയ്തു. ഐടി ഓഹരികളിലെ നേട്ടമാണ് സൂചികകള്‍ക്ക് കരുത്തായത്.അതേസമയം മിഡ്, സ്മോള് ക്യാപ് ഓഹരികള്‍ നഷ്ടംനേരിട്ടു.
സെന്‍സെകസ് 226.47 പോയന്റ് നേട്ടത്തില്‍ 55,555.79ലും നിഫ്റ്റി 46 പോയന്റ് ഉയര്‍ന്ന് 16,496.50ലുമാണ് വ്യാപാരം അവസാനിപ്പിച്ചത്. എച്ച്സിഎല്‍ ടെക്, നെസ് ലെ,
ടിസിഎസ്, ബജാജ് ഫിന്‍സര്‍വ്, ഭാരതി എയര്‍ടെല്‍ തുടങ്ങിയ ഓഹരികളാണ് ഇന്ന് പ്രധാനമായും നേട്ടമുണ്ടാക്കിയത്.
ഗ്രാസിം, അദാനി പോര്ട്സ്, മഹീന്ദ്ര ആന്‍ഡ് മഹീന്ദ്ര, ഐഷര്‍ മോട്ടോഴ്സ്, ബജാജ് ഓട്ടോ തുടങ്ങിയ ഓഹരികള്‍ നഷ്ടത്തിലുമാണ് ക്ലോസ് ചെയ്തത്. നിഫ്റ്റി ഐടി സൂചികയാണ് നേട്ടത്തില്‍ മുന്നില്‍. 1.7ശതമാനം ഉയര്‍ന്നു. മെറ്റല്‍, ഓട്ടോ, പൊതുമേഖല ബാങ്ക് സൂചികകള്‍ 0.5-1.5ശതമാനം നഷ്ടംനേരിട്ടു. ബിഎസ്ഇ മിഡ്ക്യാപ് 0.9ശതമാനവും സ്മോള് ക്യാപ് 1.5ശതമാനവും താഴ്ന്നു.
