കോട്ടയം: കോട്ടെയം മെഡിക്കല്‍ കോളജില്‍ നിന്ന് നവജാത ശിശുവിനെ തട്ടികൊണ്ടുപോയ കേസില്‍ കാമുകന് പങ്കില്ലെന്ന് കോട്ടയെ എസ്പി ഡി.ശില്‍പ. നീതു തനിച്ചാണ് കൃത്യം നടത്തിയത്. കാമുകന് ഇബ്രാഹിം ബാദുഷയുമൊത്തുള്ള ബന്ധം തുടരുകയായിരുന്നു നീതുവിന്റെ ലക്ഷ്യം.
കളമശേരിയിലെ ഇവന്റ് മാനേജ്മെന്റ് സ്ഥാപനത്തില്‍ ജോലി ചെയുന്ന വ്യക്തിയാണ് നീതു. രണ്ടു വര്‍ഷമായി ഇവര്‍ ഇബ്രാഹിം ബാദുഷയുമായി പ്രണയത്തിലായിരുന്നു. എന്നാല്‍ ഇബ്രാഹിം ഇടക്കാലത്ത് മറ്റൊരു കല്യാണം ആലോചിട്ടു തുടങ്ങിയിരുന്നു. ഇീ നീക്കം തടയുന്നതിന് വേണ്ടിയും ബന്ധം തുടരുന്നതിനും വേണ്ടിയാണ് കുട്ടിയെ തട്ടിക്കൊണ്ടു പോയത്.
നീതു നേരത്തെ ഗര്‍ഭിണിയായിരുന്നു. എന്നാല്‍ ഗര്‍ഭം അലസിപ്പോയി. ഇക്കാര്യം കാമുകനെ അറിയിച്ചിരുന്നില്ല. താന്‍ പ്രസവിച്ച കുഞ്ഞെന്ന വ്യാജേനെ തട്ടിക്കൊണ്ടുപോയ നവജാത ശിശുവിനെ കാണിച്ച് ഇബ്രാഹിം ബാദുഷയുമായുള്ള ബന്ധം തുടരുകയായിരുന്നു നീതുവിന്റെ ലക്ഷ്യമെന്ന് പൊലീസ് പറയുന്നു. തനിക്ക് കുഞ്ഞായെന്ന് കാമുകനെ വീഡിയോ കോള്‍ വിളിച്ച് നീതു കാണിച്ചു കൊടുത്തു. കുഞ്ഞിനെ തിരികെ കൊടുക്കാന്‍ നീതു തീരുമാനിച്ചിരുന്നില്ല. കുട്ടിയെ സ്വന്തം കുട്ടിയായി വളര്‍ത്താനായിരുന്നു ശ്രമം.
നീതു കോട്ടയത്ത് പഠിച്ചിരുന്ന വ്യക്തിയാണ്. അതുകൊണ്ട് സ്ഥലം കൃത്യമായി അറിയാം. കുട്ടിയെ തട്ടിക്കൊണ്ടു പോകുന്നതിനു നഴ്സിന്റെ വസ്ത്രം ഉള്‍പ്പടെ ഇവര്‍ വാങ്ങി സൂക്ഷിച്ചിരുവെന്നും ആശുപത്രിയില്‍ നേരത്തെ എത്തി സ്ഥിഗതികള്‍ നീരിക്ഷിച്ചിരുന്നുവെന്നും പൊലീസ് പറയുന്നു.
കുഞ്ഞിനെ തട്ടിക്കൊണ്ടുപോകല്‍ കേസില്‍ കാമുകന് പങ്കില്ലെങ്കിലും ഇബ്രാഹിം ബാദുഷയ്ക്കെതിരെ നീതുവില്‍ നിന്നും പണം തട്ടിയെടുത്ത സംഭവത്തില്‍ കേസ് എടുത്തിട്ടുണ്ട്.
