പാലക്കാട് ജനവാസ മേഖലയില്‍ ഇറങ്ങിയ ഒറ്റയാനെ കാടുകയറ്റി



പാലക്കാട:് കഞ്ചിക്കോട് ജനവാസ മേഖലയിലിറങ്ങിയ കൊമ്പനെ കാടുകയറ്റി. മൂന്ന് മണിക്കൂറിലധികമാണ് ഒറ്റയാന്‍ പ്രദേശത്ത് ആശങ്ക പരത്തിയത്. നിരന്തരം ജനവാസ മേഖലയില്‍ ആശങ്ക വിതയ്ക്കുന്ന ബി ടി ഫൈവെന്ന് വിളിപ്പേരുള്ള ആനയാണ് രാവിലെ ആറ് മണിയോടെ നാട്ടിലിറങ്ങിയത്.

വനപാലകരും നാട്ടുകാരും ചേര്‍ന്ന് പടക്കം പൊട്ടിച്ചും ബഹളം കൂട്ടിയുമാണ് ആനയെ കാടു കയറ്റിയത്. ആന ട്രാക്ക് കടക്കാന്‍ ശ്രമിക്കുന്നതിനിടെ ഗുഡ്സ് ട്രെയിനെത്തി. നാട്ടുകാര്‍ ബഹളം വച്ച് ട്രെയിന്‍ തടഞ്ഞിട്ടു. 10 മിനിറ്റ് കഴിഞ്ഞ് ഹോണ്‍ മുഴക്കി ട്രെയിന്‍ മുന്നോട്ട് നീങ്ങി.

വീടുകളുടെ സമീപത്ത് ഏറെ നേരം നിലയുറപ്പിച്ച ആന ക്യഷിയിടത്തിലുമിറങ്ങി നാശം വരുത്തി. ആന ട്രാക്കിന് സമീപം നിലയുറപ്പിച്ചിരുന്നു. വീണ്ടും പടക്കം പൊട്ടിച്ച് അര മണിക്കൂറിന് ശേഷം ആനയെ കാടു കയറ്റുകയായിരുന്നു.

Recent Updates

IIIISI


 

 

Happy Onam

Happy Vishu

 Happy Republic Day

0 Comments

Leave a reply

Social Media