കേസ് ബിജെപിക്കെതിരെ മാത്രമെങ്കില്‍ സഹകരിക്കില്ല; ജില്ലാസമ്മേളനങ്ങള്‍ നിര്‍ത്തിവെക്കാന്‍ സിപിഎം തയ്യാറാകണമെന്ന് സുരേന്ദ്രന്
തിരുവനന്തപുരം: സിപിഎം ജില്ലാ സമ്മേളനങ്ങള്‍ നിര്‍ത്തിവെക്കാന്‍ പാര്‍ട്ടി നേതൃത്വം തയ്യാറാകണമെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്. സമൂഹത്തിനോട് ഉത്തരവാദിത്വമുണ്ടെങ്കില്‍ കേരളം ഭരിക്കുന്ന പാര്‍ട്ടി അതാണ് ചെയ്യേണ്ടതെന്നും അദ്ദേഹം ചൂണ്ടിക്കാട്ടി. കേസ് എടുക്കുന്നത് ബിജെപിക്കെതിരെ മാത്രമാണെങ്കില്‍ പോലീസ് നടപടികളോട് തങ്ങള്‍ സഹകരിക്കില്ലെന്നും സുരേന്ദ്രന് പറഞ്ഞു.
കൊവിഡ് പ്രോട്ടോക്കോള്‍ ലംഘിച്ച് പരിപാടി നടത്തിയതിന് കഴിഞ്ഞദിവസം ബിജെപി പരിപാടികള്‍ക്കെതിരെ പോലീസ് കേസെടുത്തിരുന്നു. ഈ സാഹചര്യത്തിലാണ് ബിജെപി അധ്യക്ഷന്റെ പ്രതികരണം. പെരുമ്പാവൂരില്‍ നടത്തിയ ജനകീയ പ്രതിരോധ പരിപാടിക്കെതിരെയും കോഴിക്കോട് മുതലക്കുളം മൈതാനത്ത് നടത്തിയ പരിപാടിക്കെതിരെയുമാണ് പൊലീസ് കേസെടുത്തത്. കോഴിക്കോട് കണ്ടാലറിയുന്ന ആയിരത്തിയഞ്ഞൂറ് പേര്‍ക്കെതിരെയാണ് കസബ പോലീസ് കേസെടുത്തതെന്നാണ് റിപ്പോര്‍ട്ട്. ഈ സാഹചര്യത്തിലാണ് കെ സുരേന്ദ്രന് സിപിഎം സമ്മേളനങ്ങള്‍ നിര്‍ത്തിവെക്കണം എന്നാവശ്യപ്പെട്ടത്.
അന്‍പതുപേരില്‍ കൂടുതല്‍ ഒരുമിച്ചുകൂടാന്‍ പാടില്ലെന്ന സര്‍ക്കാര്‍ നിര്‍ദ്ദേശം ഭരണകക്ഷിക്കും ബാധകമാണ്. തിരുവാതിരക്കളിയും ഗാനമേളയും പൊതുയോഗവും നിര്‍ബാധം തുടരുന്നത് അക്ഷന്തവ്യമായ അപരാധമാണ്, തികഞ്ഞ ധിക്കാരമാണ്. ജനങ്ങളോടുള്ള വെല്ലുവിളിയാണെന്നും കെ സുരേന്ദ്രന് ചൂണ്ടിക്കാട്ടി
പൊതുവികാരം കണക്കിലെടുത്ത് ബിജെപി എല്ലാ പൊതുസമ്മേളനങ്ങളും നിര്‍ത്തിവെക്കാന്‍ തീരുമാനിച്ചിരിക്കുകയാണെന്നും സുരേന്ദ്രന് പറഞ്ഞു. കഴിഞ്ഞദിവസം പോപ്പുലര്‍ ഫ്രണ്ടിനെതിരെ ജനകീയ പ്രതിരോധമെന്ന പേരിലായിരുന്നു ബിജെപി പൊതുയോഗം സംഘടിപ്പിച്ചത്. കോഴിക്കോട് നടന്ന പരിപാടി കെ സുരേന്ദ്രന് തന്നെയായിരുന്നു ഉദ്ഘാടനം ചെയ്തത്.
