സ്വര്‍ണ്ണ വില ഈ മാസത്തെ ഏറ്റവും ഉയര്‍ന്ന നിരക്കില്‍
കോഴിക്കോട്: സംസ്ഥാനത്ത് സ്വര്‍ണ്ണ വില ഈ മാസത്തെ ഏറ്റവും ഉയര്‍ന്ന നിരക്കില്‍ തുടരുന്നു. ഒരു പവന് സ്വര്‍ണത്തിന് 36,480 രൂപയാണ് വില. ഒരു ഗ്രാമിന് 4,560 രൂപയും. .ഇന്നലെയാണ് സ്വര്‍ണ്ണ വില പവന് 36,480 രൂപയില്‍ എത്തിയത്. രാജ്യാന്തര വിപണിയില്‍ ട്രോയ് ഔണ്‍സിന് 1874.74 ഡോളറിലാണ് വ്യാപാരം.
മെയ് ഒന്നിന് ഒരു പവന് സ്വര്‍ണത്തിന് 35,040 രൂപയായിരുന്നു വില. മെയിലെ ഏറ്റവും കുറഞ്ഞ നിരക്കാണിത്. മെയില്‍ ഇതുവരെ പവന് 1,320 രൂപയുടെ വര്‍ധനയാണുള്ളത്. നിക്ഷേപം എന്ന നിലയില്‍ സ്വര്‍ണം കൂടുതല്‍ നേട്ടം തന്നെക്കും എന്ന് ഉറ്റു നോക്കുകയാണ് നിക്ഷേകര്‍. ഈ മാസവും സ്വര്‍ണ വിലയില്‍ ഏറ്റക്കുറച്ചിലുകള്‍ തുടരുകയാണ്.
