ജയ്പൂര്: കോക്രോച്ച് ജനത പാര്ട്ടി സ്ഥാപകന് അഭിജീത് ദീപ്കേയ്ക്ക് നേരെ ആക്രമണം. ജയ്പൂരിലെ പ്രതിഷേധത്തിനിടെയാണ് ചിലര് അഭിജീതിനെ മര്ദിച്ചു. ആക്രമിച്ചത് ഭീരുക്കളെന്നും ശക്തമായ പ്രതിഷേധം തുടരുമെന്നും ദീപ്കെ വ്യക്തമാക്കി. എക്സിലാണ് ദീപ്കേ പ്രതികരണമറിയിച്ചിരിക്കുന്നത്.
അതേ സമയം, നീറ്റ് പരീക്ഷാ ചോദ്യ പേപ്പര് ചോര്ച്ചയില് ബെംഗളൂരുവില് കോക്ക്റോച്ച് ജനതാ പാര്ട്ടി ഇന്നലെ പ്രതിഷേധം സംഘടിപ്പിച്ചിരുന്നു. ഫ്രീഡം പാര്ക്കില് കനത്ത മഴയെ വകവയ്ക്കാതെയായിരുന്നു പ്രതിഷേധം. വിദ്യാര്ത്ഥികളും അധ്യാപകരും രക്ഷിതാക്കളും ഉള്പ്പെടെ നൂറു കണക്കിന് പേര് പങ്കെടുത്തു. സിജെപി സ്ഥാപകന് അഭിജിത് ദീപ്കെ, നടനും സാമൂഹ്യ പ്രവര്ത്തകനുമായ പ്രകാശ് രാജ്, സിനിമാ താരം കിരണ് ശ്രീനിവാസ് തുടങ്ങിയവര് പങ്കെടുത്തു. കന്നട ചലച്ചിത്ര ഇതിഹാസം പുനീത് രാജ്കുമാറിന്റെ സ്മൃതി കുടീരത്തില് പുഷ്പാര്ച്ചന നടത്തിയ ശേഷമാണ് സിജെപി പ്രവര്ത്തകര് ഫ്രീഡം പാര്ക്കിലേക്കെത്തിയത്. ദില്ലി ജന്തര് മന്തര് പ്രതിഷേധത്തിന് ശേഷമാണ് സിജെപി ബെംഗളൂരുവിലും പ്രതിഷേധ കൂട്ടായ്മ ഒരുക്കിയത്.
