സ്വര്‍ണവില വീണ്ടും ഉയര്‍ന്നു
കൊച്ചി: ഇന്നലെ ഒരു മാസത്തിനിടയിലെ ഏറ്റവും താഴ്ന്ന നിലവാരത്തില്‍ എത്തിയ സ്വര്‍ണവില വീണ്ടും ഉയര്‍ന്നു. 280 രൂപ വര്‍ധിച്ച് ഒരു പവന് സ്വര്‍ണത്തിന്റെ വില 34,720 രൂപയായി. ഗ്രാമിന് 35 രൂപയാണ് വര്‍ധിച്ചത്. 4340 രൂപയാണ് ഒരു ഗ്രാം സ്വര്‍ണത്തിന്റെ വില.
120 രൂപയുടെ കുറവ് രേഖപ്പെടുത്തിയതോടെയാണ് ഇന്നലെ സംസ്ഥാനത്ത് ഒരു മാസത്തിനിടയിലെ ഏറ്റവും കുറഞ്ഞ നിലവാരത്തിലേക്ക് സ്വര്‍ണവില എത്തിയത്. 34,440 രൂപയായിരുന്നു ഇന്നലെ ഒരു പവന് സ്വര്‍ണത്തിന്റെ വില.
കഴിഞ്ഞ മാസത്തിന്റെ തുടക്കത്തില്‍ സ്വര്‍ണവില ഈ മാസത്തെ ഏറ്റവും ഉയര്‍ന്ന നിലവാരത്തിലായിരുന്നു. നാലിന് 35,600 രൂപയായിരുന്നു ഒരു പവന് സ്വര്‍ണത്തിന്റെ വില. പിന്നീട് വില താഴുന്നതാണ് ദൃശ്യമായത്. ഒരു മാസത്തിനിടെ ഏകദേശം 1200 രൂപയാണ് കുറഞ്ഞത്.
