കൊല്ലം സുധിയോടൊപ്പം ഇന്നലെ അവസാനമായി എടുത്ത ഫോട്ടോ പങ്കു വച്ച് സിനിമാതാരം ടിനി ടോം ഫെയ്‌സ് ബുക്കില്‍ കുറിച്ച കുറിപ്പ് കണ്ണീരണിയിക്കുന്നു.
ടിനി ഫെയ്‌സ ബുക്കില്‍ ഇങ്ങനെ കുറിച്ചു.
ദൈവമേ വിശ്വസിക്കാന്‍ ആകുന്നില്ല ഇന്നലെ ഒരുമിച്ചായിരുന്നു വേദിയില്‍ ,രണ്ട് വണ്ടികളില്‍ ആയിരിന്നു ഞങ്ങള് തിരിച്ചത് ,പിരിയുന്നതിനു മുന്‍പ് സുധി ഒരു ആഗ്രഹം പറഞ്ഞു ഒരുമിച്ചു ഒരു ഫോട്ടോ എടുക്കണം ,എന്നിട്ടു ഈ ഫോട്ടോ എനിക്ക് അയച്ചും തന്നു ...ഇങ്ങനെ ഇടാന്‍ വേണ്ടിയാണോ ഈ ചിത്രം എനിക്ക് അയച്ചത് ...മോനെ ഇനി നീ ഇല്ലേ ......?? ആദരാഞ്ജലികള്‍ മുത്തേ.
ഇന്നലെ വടകരക്കടുത്ത ഇരിങ്ങലിലെ സര്‍ഗാലയ ക്രാഫ്റ്റ് വില്ലെജില്‍ നടന്ന 24 ന്യൂസിന്റെ ചടങ്ങില്‍ പങ്കെടുത്തു മടങ്ങവെയാണ് സുധി അപകടത്തില്‍പ്പെടുന്നതും മരണപ്പെടുന്നതും. ടിനി ഉള്‍പ്പെടെ ഒട്ടേറെ കലാകാരന്മാര്‍ ഈ പരിപാടിയില്‍ പങ്കെടുത്തിട്ടുണ്ടായിരുന്നു
