വിപണിയില്‍ കുതിപ്പ്; സെന്സെക്സ് 54,200 മുകളില്‍.
മുംബൈ: ഓഹരി വിപണിയില്‍ രണ്ടാംദിവസവും കുതിപ്പ് രേഖപ്പെടുത്തി. വ്യാപാരം ആരംഭിച്ച് നിമിഷങ്ങള്‍ക്കകം തന്നെ സെന്സെക്സ് 377 പോയന്റ് നേട്ടത്തില്‍ 54,000 ത്തിന് മുകളിലെത്തി. നിഫ്റ്റി 16,236 നിലവാരത്തിലെത്തുകയും ചെയ്തു. സൂചിക 54,200 പിന്നിടുകയും ചെയ്തു.
എച്ച്ഡിഎഫ്സി, ടാറ്റ സ്റ്റീല്‍, ഡോ.റെഡ്ഡീസ് ലാബ്, ഇന്‍ഫോസിസ്, കൊട്ടക് മഹീന്ദ്ര ബാങ്ക്, ഐസിഐസിഐ ബാങ്ക്, എച്ച്ഡിഎഫ്സി ബാങ്ക്, പവര്‍ഗ്രിഡ് കോര്‍പ്, ഇന്‍ഡസിന്‍ഡ്
ബാങ്ക്, ബജാജ് ഫിനാന്‍സ്, റിലയന്‍സ് തുടങ്ങിയ ഓഹരികളാണ് ഇന്ന് നേട്ടത്തില്‍.
ബിഎസ്ഇ മിഡ്ക്യാപ്, സ്മോള് ക്യാപ് സൂചികകള്‍ അരശതമാനത്തോളം ഉയര്‍ന്നു. സെക്ടറല്‍ സൂചികകളും നേട്ടത്തിലാണ്.
എസ്ബിഐ, ടൈറ്റാന്‍ കമ്പനി, ഗോദ്റേജ് കണ്‍സ്യൂമര്‍ പ്രൊഡക്ട്സ്, എച്ച്പിസിഎല്‍, പിഎന്‍ബി ഹൗസിങ് തുടങ്ങി 70ഓളം കമ്പനികളാണ് ജൂണ്‍ പാദത്തിലെ പ്രവര്‍ത്തനഫലം ഇന്ന് പുറത്തുവിടുന്നത്.
