കോഴിക്കോട്: കോഴിക്കോട് ആസ്ഥാനമായി പ്രവര്‍ത്തിക്കുന്ന പ്രമുഖ ഭക്ഷ്യോല്‍പന്ന നിര്‍മ്മാതാക്കളായ ആര് ജി ഫുഡ്സ് പാലക്കാടന്‍ മട്ട അരി വിപണിയിലിറക്കി. ദുബായ് ഗള്‍ഫ് ഫുഡ് 2022 വാര്‍ഷിക എക്‌സിബിഷനോടനുബന്ധിച്ച് നടന്ന ചടങ്ങില്‍ ലുലുഗ്രൂപ്പ് ചെയര്‍മാന്‍ എം.എ. യുസഫലയാണ് മട്ട അരി വിപണിയിലിറക്കിയത്. അടുത്ത പത്ത് വര്‍ഷങ്ങള്‍ക്കുള്ളില്‍ ആഗോളമായി ആര്‍ജി കൂടുതല്‍ വ്യാപിക്കുകയും, വന്‍കിട രാജ്യങ്ങളില്‍ ആര്‍ജിയുടെ സാന്നിധ്യം ഉറപ്പാവുകയും ചെയ്യുമെന്ന് ആര്‍ജി ഫുഡ്സ് എക്സിക്യൂട്ടിവ് ഡയറക്ടര്‍ ആര്‍ജി വിഷ്ണു പറഞ്ഞു.
ആര്‍ജി ഫുഡ്സിന്റെ മികച്ച പോഷക ഗുണമുള്ള പാലക്കാടന്‍ മട്ട അരി, 5കിലോ, 10കിലോ, 20കിലോ തുടങ്ങിയ അളവുകളില്‍ വിപണിയില്‍ ലഭിക്കും. നല്ലെണ്ണ, കടുകെണ്ണ, കായം, ആര്‍ജി നന്നാരി സര്‍ബത്ത് തുടങ്ങിയവയാണ് ആര് ജിയുടെ പ്രധാനപ്പെട്ട മറ്റ് ഉത്പന്നങ്ങള്‍.
