കൊവിഡ്: കേരളത്തിലേക്കുള്ള യാത്രയില്‍ നിയന്ത്രണമേര്‍പ്പെടുത്തി ലക്ഷദ്വീപ് ഭരണകുടം
കേരളത്തിലേക്കുള്ള യാത്ര ഒഴിവാക്കാന്‍ ലക്ഷദ്വീപ് ഭരണകൂടത്തിന്റെ നിര്‍ദേശം. കേരളത്തില്‍ കൊവിഡ് കേസുകള്‍ കൂടി വരുന്ന സാഹചര്യത്തിലാണ് നടപടിയെന്ന് ജില്ലാ കളക്ടര്‍ അറിയിച്ചു.
അടിയന്തര സാഹചര്യത്തില്‍ അല്ലാതെ യാത്രകള്‍ പാടില്ലെന്നും ഉത്തരവുണ്ട്. ദ്വീപില്‍ എത്തുന്നവര്‍ക്ക് ക്വാറന്റീന്‍ നിര്‍ബന്ധമാക്കി. ഏഴ് ദിവസം ഭരണകൂടം ഒരുക്കുന്ന സ്ഥലത്തൊ വീടുകളിലോ ക്വാറന്റീന്‍ ഇരിക്കണമെന്ന് ഭരണകൂടം അറിയിച്ചു.
ലക്ഷദ്വീപില്‍ 10,268 കൊവിഡ് കേസുകളാണ് ഇതുവരെ റിപ്പോര്‍ട്ട് ചെയ്തിരിക്കുന്നത്. 51 പേര് മരണപ്പെട്ടു.
