സ്വര്‍ണവിലയില്‍ വര്‍ധന
കൊച്ചി:സംസ്ഥാനത്ത് സ്വര്‍ണ വിലയില്‍ വര്‍ധന. പവന് 120 രൂപയാണ് കൂടിയത്. ഒരു പവന് സ്വര്‍ണത്തിന് 36,520 രൂപയാണ് വില. ഒരു ഗ്രാമിന് 4,565 രൂപയും. രാജ്യാന്തര വിപണിയില്‍ സ്വര്‍ണ വില ഉയര്‍ന്നു. ഔണ്‍സിന് 1839.83 ഡോളറിലാണ് വ്യാപാരം ഇന്നലെ വരെയുള്ള തുടര്‍ച്ചയായ മൂന്ന് ദിവസങ്ങളില്‍ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണ വില. ഒരു പവന് സ്വര്‍ണത്തിന് 36,400 രൂപയായിരുന്നു വില.
ഡിസംബറില്‍ സ്വര്‍ണ വില പവന് 1,440 രൂപയാണ് വര്‍ധിച്ചത്. ഡിസംബര്‍ 21,28 ദിവസങ്ങളില്‍ സ്വര്‍ണ വില ഡിസംബറിലെ ഏറ്റവും ഉയര്‍ന്ന നിരക്കില്‍ എത്തിയിരുന്നു. പവന് 37,680 രൂപയായിരുന്നു വില. ഡിസംബര്‍ ഒന്നിന് 35,920 രൂപയായിരുന്നു ഒരു പവന് വില. ഇതായിരുന്നു ഡിസംബറിലെ ഏറ്റവും കുറഞ്ഞ നിരക്ക്.
