ദില്ലി : പോപ്പുലര്‍ ഫ്രണ്ടുമായി ബന്ധപ്പെട്ട്, ദില്ലിയിലും അഞ്ച് സംസ്ഥാനങ്ങളിലും എന്‍ഐഎ റെയ്ഡ്. ദില്ലിക്ക് പുറമെ തമിഴ്നാട്, മഹാരാഷ്ട്ര, രാജസ്ഥാന്‍, ഉത്തര്‍പ്രദേശ്, ഹരിയാന അടക്കം സംസ്ഥാനങ്ങളിലെ വിവിധ കേന്ദ്രങ്ങളിലാണ് പരിശോധന നടക്കുന്നത്. പുലര്‍ച്ചെ ആരംഭിച്ച പരിശോധന ഇപ്പോഴും തുടരുകയാണ്. ദില്ലിയില്‍ മൂന്ന് ഇടങ്ങളില്‍ എന്‍ഐഎ റെയിഡ് പുരോഗമിക്കുകയാണ്. പി എഫ് ഐ യുമായി ബന്ധപ്പെട്ടാണ് പരിശോധനയെന്നും ഷഹീന്‍ ബാഗ് ഉള്‍പ്പെടെയുള്ള സ്ഥലങ്ങളില്‍ പരിശോധന നടക്കുന്നതായും എന്‍ഐഎ വ്യത്തങ്ങള്‍ അറിയിച്ചു. തമിഴ്നാട്ടില് 10 ഇടങ്ങളില്‍ പരിശോധന നടക്കുന്നുണ്ട്. മധുര, ചെന്നൈ,തേനി, ഡിണ്ടിഗല്‍ ജില്ലകളിലെ വിവിധ സ്ഥലങ്ങളിലാണ് പരിശോധന പുരോഗമിക്കുന്നത്.
