അബൂദബിയിൽ ബസ് സ്റ്റോപ്പുകളിൽ സ്വകാര്യ വാഹനങ്ങൾ പാർക്ക് ചെയ്താൽ 2000 ദിർഹം പിഴ
അബൂദബി: ബസ് സ്റ്റോപ്പുകളിൽ സ്വകാര്യ വാഹനങ്ങൾ പാർക്ക് ചെയ്താൽ 2000 ദിർഹം പിഴ ചുമത്തും. പൊതു ഗതാഗത അടിസ്ഥാന സൗകര്യങ്ങൾക്കായി നൽകിയ മേഖലകൾ കൈവശപ്പെടുത്തരുതെന്നും അബൂദബി മുനിസിപ്പാലിറ്റീസ്, ഗതാഗത വകുപ്പിനു കീഴിലെ സംയോജിത ഗതാഗതകേന്ദ്രം അറിയിച്ചു. പൊതുഗതാഗത ബസ് സ്റ്റോപ്പുകളിൽ മറ്റുവാഹനങ്ങൾ തമ്പടിക്കുന്നത് അപകടങ്ങൾക്കും ബസ് യാത്രാ തടസ്സങ്ങൾക്കും കാലതാമസത്തിനും കാരണമാകുന്നു.
സ്വകാര്യ വാഹനങ്ങളുടെ തെറ്റായ പ്രവണതകളും പെരുമാറ്റങ്ങളും കണ്ടെത്താനും നിയന്ത്രിക്കാനും നിരീക്ഷണ ക്യാമറകളും ആധുനിക സാങ്കേതികവിദ്യകളും ഉപയോഗിക്കും. പിഴ ചുമത്തപ്പെടുന്നത് ഒഴിവാക്കാൻ ഡ്രൈവർമാർ ജാഗ്രത പാലിക്കണമെന്നും അധികൃതർ അറിയിച്ചു.
