കോട്ടയം: ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിധിക്കെതിരെ അപ്പീല്‍ സാധ്യത തേടി പൊലീസ്. ഇതുസംബന്ധിച്ച് സ്പെഷ്യല് പബ്ലിക് പ്രോസിക്യൂട്ടറോട് പൊലീസ് നിയമോപദേശം തേടി. കോട്ടയം ജില്ലാ പൊലീസ് മേധാവി ഡി ശില്‍പയാണ് നിയമോപദേശം തേടിയത്. അപ്പീല്‍ നടപടി ഉടന്‍ തുടങ്ങുമെന്ന് കോട്ടയം എസ് പി ഡി ശില്‍പ പറഞ്ഞു. നിയമോപദേശം ലഭിച്ചാല്‍ ഡിജിപി മുഖേന സര്‍ക്കാരിന് കത്ത് നല്‍കുമെന്നും എസ് പി ഡി ശില്‍പ വ്യക്തമാക്കി.കന്യാസ്ത്രീയെ പീഡിപ്പിച്ച കേസില്‍ ഇന്ന് രാവിലെയാണ് ബിഷപ്പ് ഫ്രാങ്കോ മുളയ്ക്കല്‍ കുറ്റക്കാരനല്ലെന്ന് കോടതി വിധിച്ചത്. കോട്ടയം അഡീഷണല്‍ സെഷന്‍സ് കോടതി ജഡ്ജി ജി. ഗോപകുമാറാണ് വിധി പുറപ്പെടുവിച്ചത്.
