പലിശ നിരക്കില്‍ മാറ്റമില്ല; പുതിയ വായ്പാ നയം
പ്രഖ്യാപിച്ച റിസര്‍വ് ബാങ്ക്
മുംബൈ: റിസര്‍വ് ബാങ്ക് ഗവര്‍ണര്‍ ശക്തികാന്ത ദാസിന്റെ നേതൃത്വത്തിലുള്ള ആറംഗ മോണിറ്ററി പോളിസി കമ്മറ്റി (എംപിസി) വായ്പ നയം പ്രഖ്യാപിച്ചു. റിപ്പോ നിരക്ക് നാലു ശതമാനമായും റിവേഴ്‌സ് റിപ്പോ നിരക്ക് 3.35 ശതമാനമായും തുടരും. അടിസ്ഥാന പലിശ നിരക്കിലും മാറ്റമില്ല. കേന്ദ്ര ബജറ്റിന് ശേഷമുള്ള ആദ്യ വായ്പ നയപ്രഖ്യാപനമാണിത്.
കൊറോണ വൈറസ് പ്രതിസന്ധിയുടെ ആഘാതത്തില്‍ നിന്ന് സമ്പദ് വ്യവസ്ഥയെ കരകയറ്റുന്നതിനായി 2020 മാര്‍ച്ചില്‍ റിപ്പോ നിരക്ക് 115 ബേസിസ് പോയന്റ് (ബിപിഎസ്) ആയി കുറച്ചിരുന്നു. ഇത് തുടരുന്നതിന്റെ ഭാഗമായാണ് റിസര്‍വ് ബാങ്ക് പോളിസി നിരക്കുകള്‍ മാറ്റമില്ലാതെ നിലനിര്‍ത്തിയത്. കഴിഞ്ഞ മൂന്ന് വായ്പ നയ പ്രഖ്യാപനത്തിലും റിപ്പോ നിരക്കുകളില്‍ മാറ്റമുണ്ടായിരുന്നില്ല.
