ആഗോള സ്മാര്ട്ട്ഫോണ് വിപണിയില്‍ ഓപ്പോ രണ്ടാം സ്ഥാനത്ത്
ഡെല്‍ഹി: ആഗോള സ്മാര്ട്ട്ഫോണ് വിപണിയില്‍ രണ്ടാം സ്ഥാനം കരസ്ഥമാക്കി ഓപ്പോ. മെയ് മാസത്തിലാണ് കമ്പനി നേട്ടം കരസ്ഥമാക്കിയിരിക്കുന്നത്. വണ്‍പ്ലസ്, റിയല്‍മി എന്നീ സഹോദര ബ്രാന്റുകള്‍ കൂടിയുള്ള ഒപ്പോയുടെ മെസ് മാസത്തിലെ വിപണി ഓഹരി 16 ശതമാനമാണ്.
അതേസമയം, ആപ്പിളിന് 15 ശതമാനവുമാണ് വിപണിയിലെ ഓഹരി. ഷവോമിക്ക് 14 ശതമാനമാണ് ഓഹരി. ആഗോളതലത്തില്‍ ഏപ്രില്‍, മെയ് മാസങ്ങളില്‍ ഒപ്പോ, ആപ്പിളിനെയും ഷവോമിയെയും വില്‍പ്പനയില്‍ മറികടന്നു.
മാര്‍ക്കറ്റ് റിസര്‍ച്ച് സ്ഥാപനമായ കൗണ്ടര്‍പോയിന്റാണ് വില്‍പ്പന സംബന്ധിച്ച കണക്കുകള്‍ പുറത്തുവിട്ടിരിക്കുന്നത്. റിയല്‍മി, വണ്‍ പ്ലസ് എന്നീ ബ്രാന്റുകള്‍ കൂടി ഉപയോഗിച്ചാണ് വിപണിയില്‍ മള്‍ട്ടി ബ്രാന്റ് നയത്തിലൂടെ ഒപ്പോ മുന്നേറുന്നത്. ഓരോ ബ്രാന്റും സ്വതന്ത്രമായാണ് വിപണിയില്‍ തങ്ങളുടെ സ്വാധീന മേഖലകളില്‍ ഇടപെടുന്നത്. ഈ തന്ത്രം ഫലം ചെയ്‌തെന്നാണ് വിപണിയിലെ മുന്നേറ്റം ചൂണ്ടിക്കാട്ടുന്നത്.
