തിരുവനന്തപുരം: സംസ്ഥാനത്ത് വെളിച്ചെണ്ണ വിലയിലെ വന് കുതിപ്പ് തുടരുകയാണ്. ചില്ലറ വിപണിയില് വില ലിറ്ററിന് 525ന് മുകളിലെത്തി നില്ക്കുന്ന വേളയില് കുടുംബ ബജറ്റുകള് താളം തെറ്റുമെന്ന ആശങ്കയിലാണ് വീട്ടമ്മമാര്. കുതിച്ചുയരുന്ന വെളിച്ചെണ്ണവില പിടിച്ചു നിര്ത്താന് വിപണിയില് ഇടപെടല് നടത്തുമെന്നാണ് ഭക്ഷ്യമന്ത്രി ജി ആര് അനിലിന്റെ പ്രഖ്യാപനം. കേരളത്തിലെ ജനങ്ങള്ക്ക് ന്യായ വിലക്ക് വെളിച്ചെണ്ണ കൊടുക്കാനുള്ള പരിശ്രമമാണ് സപ്ലൈക്കോ നടത്തുന്നതെന്നും മന്ത്രി വിശദീകരിച്ചു.
നാളികേരത്തിന്റെയും വെളിച്ചെണ്ണയുടേയും വില എല്ലാ ഭാഗങ്ങളിലും കുതിച്ചുയരുന്നതാണ് കാണുന്നതതെന്ന് മന്ത്രി പറഞ്ഞു. സ്റ്റോക്ക് പരിമിതമാണ്. വെളിച്ചെണ്ണ ഉത്പാദകരുടെ യോഗം വിളിക്കും. കേരളത്തിന് പുറത്തുള്ള സംസ്ഥാനങ്ങളില് നിന്നുള്ള ഉത്പാദകരുടെ വെളിച്ചെണ്ണ കേരളത്തിലെ വിപണിയില് വില്ക്കാനുള്ള സാഹചര്യം ഒരുക്കാനും ശ്രമിക്കുന്നതായി മന്ത്രി വിശദീകരിച്ചു. ഓണവിപണിയില് വെളിച്ചെണ്ണ സപ്ലൈക്കോ ഔട്ട്ലെറ്റില് ന്യായ വിലക്ക് ലഭ്യമാക്കും.
