തൊഴിലുറപ്പ്'; പ്രവാസികളുടെ പുനരധിവാസത്തിന്
100 കോടി; ക്ഷേമനിധി 9 കോടി
തിരുവനന്തപുരം: പ്രവാസികളെ കൈവിടാതെ സംസ്ഥാന സര്‍ക്കാരിന്റെ അവസാന ബജറ്റ്. പ്രവാസികള്‍ക്കായി പുതിയ പദ്ധതി പ്രഖ്യാപിച്ച് ധനമന്ത്രി തോമസ് ഐസക്. പ്രവാസി ക്ഷേമനിധിക്ക് 9 കോടി അനുവദിച്ചു. മടങ്ങിയെത്തിയ പ്രവാസികളുടെ പെന്‍ഷന്‍ 3000 ആക്കി ഉയര്‍ത്തും. ക്ഷേമനിധി അംശാദായം വിദേശത്തുള്ളവരുടേത് 350 രൂപയായും പെന്‍ഷന്‍ 3500 രൂപയായും ഉയര്‍ത്തി. നാട്ടില്‍ തിരിച്ചെത്തിയവരുടേത് 200 രൂപയായും പെന്‍ഷന്‍ 3000 രൂപയായും വര്‍ധിപ്പിച്ചു.
ഏകോപിത പ്രവാസി തൊഴില്‍ പദ്ധതിക്ക് 100 കോടി രൂപ വകയിരുത്തും. സമാശ്വാസ പ്രവര്‍ത്തനങ്ങള്‍ക്ക് 30 കോടി. സംസ്ഥാനത്തേയ്ക്ക് തിരിച്ചെത്തുന്ന പ്രവാസികള്‍ക്ക് തൊഴില്‍ നൈപുണ്യ അവസരം നല്‍കും. ജൂലൈ മാസത്തില്‍ ഓണ്‍ലൈനായി പ്രവാസി സംഗമം സംഘടിപ്പിക്കും.
