തമിഴ് നാട് ആസൂത്രണ സമിതിയില്‍ ട്രാന്‍സ്‌ജെന്‍ഡറും
ചെന്നൈ: രാജ്യത്ത് ആദ്യമായി ട്രാന്സ്ജെന്ഡര് ഒരു സംസ്ഥാനത്തിന്റെ ആസൂത്രണ സമിതിയില്‍ അംഗത്വം നേടി. തമിഴ്നാട് ആസൂത്രണ സമിതി (എസ്.ഡി.പി.സി.) പാര്‍ട്ട്‌ടൈം അംഗമായി ഡോ. നര്‍ത്തകി നടരാജിനെ മുഖ്യമന്ത്രി എം.കെ. സ്റ്റാലിന്‍ നിയമിച്ചു.പത്മശ്രീ, കലൈമാമണി പുരസ്കാരം എന്നിവ നേടിയ നര്‍ത്തകി നടരാജ് തഞ്ചാവൂര്‍ ശൈലിയിലുള്ള ക്ലാസ്സിക്കല്‍ നൃത്തത്തിലും ഭരതനാട്യത്തിലും വിദഗ്ദയാണ്. ട്രാന്സ്ജെന്ഡര് വിഭാഗത്തില്‍ നിന്നുള്ള ആദ്യ പത്മ പുരസ്‌കാര ജേതാവ് കൂടിയാണിവര്‍.
