ഒറ്റഡോസ് കൊവിഡ് വാക്സിനായ സ്പുട്നിക് ലൈറ്റിന് റഷ്യ അംഗീകാരം നല്കി;ഫലപ്രാപ്തി 79.4%
മോസ്‌കോ:സ്പുട്നിക് വി വാക്സീന്റെ സിംഗിള്‍ ഡോസ് പതിപ്പായ സ്പുട്നിക് ലൈറ്റിന് റഷ്യയിലെ ആരോഗ്യവകുപ്പിന്റെ അനുമതി.91 ശതമാനം ഫലപ്രാപ്തിയുള്ള രണ്ട് ഡോസ് സ്പുട്നിക് വി വാക്സീനുമായി താരതമ്യപ്പെടുത്തുമ്പോള്‍ സ്പുട്നിക് ലൈറ്റിന് എണ്‍പതിനടുത്ത് ഫലപ്രാപ്തിയുണ്ടെന്ന് വാക്സിന് ധനസഹായം ചെയ്ത റഷ്യന്‍ ഡയറക്ട് ഇന്‍വെസ്റ്റ്മെന്റ് ഫണ്ട് അറിയിച്ചു.
20 മില്യണ്‍ ആളുകളില്‍ നടത്തിയ ക്ലിനിക്കല്‍ പരിശോധനയില്‍ കാര്യമായ പാര്‍ശ്വഫലങ്ങള്‍ കണ്ടെത്തിയിട്ടില്ല. 2020 ഡിസംബര്‍ 5നും 2021 ഏപ്രില്‍ 15-നും ഇടയില്‍ നടന്ന കൂട്ടവാക്സിനേഷന്‍ ദൗത്യത്തില്‍ സ്പുട്നിക് ലൈറ്റ് നല്‍കിയിരുന്നു. വാക്സീന് നല്കി 28 ദിവസത്തിനു ശേഷമുള്ള വിവരങ്ങളാണ് ഫലപ്രാപ്തി നിര്‍ണയിക്കാനായി പരിഗണിച്ചിരുന്നത്.
ഈ സാഹചര്യത്തിലാണ് വാക്‌സിന്റ ഉപയോഗത്തിനു അനുമതി നല്‍കിയത്.ലോകത്ത് നിലവില്‍ ഉപയോഗത്തിലുള്ള മിക്കവാറും ഇരട്ട ഡോസ് വാക്‌സിനുകളെക്കാള്‍ ഫലപ്രാപ്തിയാണ് സ്പുട്നിക് ലൈറ്റ് അവകാശപ്പെടുന്നത്. 92% ഫലപ്രാപ്തി അവകാശപ്പെടുന്ന റഷ്യയുടെ സ്പുട്നിക് അഞ്ച്- കൊവിഡ് വാക്സിന് നിലവില്‍ ഇന്ത്യ അടക്കം 68 രാജ്യങ്ങളില്‍ അംഗീകരിക്കപ്പെട്ടിട്ടുണ്ട്.
