കൊച്ചി മെട്രോ ഭൂമി ഏറ്റെടുക്കല്‍; രാജമാണിക്യത്തിന് ക്ലീന്‍ ചിറ്റ്
കൊച്ചി മെട്രോ ഭൂമി ഏറ്റെടുക്കലുമായി ബന്ധപ്പെട്ട അഴിമതി ആരോപണത്തില്‍ എറണാകുളം മുന്‍ ജില്ലാ കളക്ടര്‍ എം.ജി.രാജമാണിക്യത്തിന് ക്ലീന്‍ചിറ്റ്. അഴിമതി ആരോപണത്തില്‍ കഴമ്പില്ലെന്ന് വിജിലന്‍സ് കണ്ടെത്തി. മൂവാറ്റുപുഴ വിജിലന്‍സ് കോടതിയില്‍ റിപ്പോര്‍ട്ട് സമര്‍പ്പിച്ചു.വിജിലന്‍സ് അന്വേഷണ സംഘമാണ് റിപ്പോര്‍ട്ട് സമര്‍പ്പിച്ചത്. ശീമാട്ടി ഭൂമിയേറ്റെടുക്കലുമായി ബന്ധപ്പെട്ടായിരുന്നു ആരോപണം. ശീമാട്ടിക്ക് അനുകൂലമായി ചില ക്ലോസുകള്‍ മാറ്റിയെന്നായിരുന്നു പരാതി. കളമശ്ശേരി സ്വദേശി ഗിരീഷ്ബാബു ആണ് പരാതിക്കാരന്‍.
നേരത്തെ വിജിലന്‍സ് സമര്‍പ്പിച്ച ത്വരിതാന്വേഷണ റിപ്പോര്‍ട്ട് കോടതി തള്ളിയിരുന്നു. തുടര്‍ന്നാണ് വിശദമായ അന്വേഷണം നടത്തി പുതിയ റിപ്പോര്‍ട്ട് സമര്‍പ്പിച്ചത്.
