തിരുവനന്തപുരം: ജോര്‍ദാന്‍ വഴി ഇസ്രായേലിലേക്ക് കടക്കാന്‍ ശ്രമിച്ച മലയാളി വെടിയേറ്റ് മരിച്ചു. തുമ്പ സ്വദേശി ഗബ്രിയല്‍ പെരേരയാണ് ഇസ്രായില്‍ സൈന്യത്തിന്റെ വെടിയേറ്റ് മരിച്ചത്. ഒപ്പമുണ്ടായിരുന്ന എഡിസന്‍ നാട്ടില്‍ തിരിച്ചെത്തി. ഇയാള്‍ക്കും തുടയില്‍ വെടിയേറ്റിരുന്നു. തുമ്പ ആറാട്ടുവഴി സ്വദേശിയാണ്. ജോര്‍ദാനിലേക്ക് വിസിറ്റിംഗ് വിസയില്‍ പോയതായിരുന്നു ഗബ്രിയല്‍ പെരേര. അതേസമയം, ഗബ്രിയല്‍ മരിച്ചതായി എംബസിയില്‍ നിന്നും വീട്ടുകാര്‍ക്ക് വിവരം ലഭിച്ചു.
