നേതൃത്വവുമായി വിയോജിപ്പ്; കെപിസിസി രാഷ്ട്രീയകാര്യ സമിതിയില്‍ നിന്ന് വിഎം സുധീരന്‍ രാജിവെച്ചു
തിരുവനന്തപുരം : കെപിസിസി രാഷ്ട്രീയകാര്യ സമിതിയില്‍ നിന്നും വി.എം സുധീരന്‍ രാജിവെച്ചു. രാജിക്കത്ത് കെപിസിസി അദ്ധ്യക്ഷന്‍ കെ. സുധാകരന് കൈമാറിയതായി അദ്ദേഹം അറിയിച്ചു. മുതിര്‍ന്ന നേതാക്കളുമായി ചര്‍ച്ച നടത്താതെ നേതൃത്വം തീരുമാനങ്ങള്‍ എടുക്കുന്നതില്‍ പ്രതിഷേധിച്ചാണ് മുന്‍ കെപിസിസി അധ്യക്ഷന്‍ കൂടിയായ വിഎം സുധീരന്‍ രാജിവെച്ചത്. കെപിസിസി പുനഃസംഘടന യില്‍ ഉള്‍പ്പടെ തന്നെ പരിഗണിക്കാത്തതില്‍ ഉള്ള അതൃപ്തി സുധീരന്‍ നേതൃത്വത്തെ അറിയിച്ചു. സാധാരണ പ്രവര്‍ത്തകന്‍ ആയി തുടരുമെന്ന് രാജിക്കത്ത് കൈമാറിയ ശേഷം സുധീരന്‍ പ്രതികരിച്ചു.
നിലവില്‍ കെ.സുധാകരനും, വി.ഡി സതീശനുമുള്‍പ്പെടെയുള്ള നേതൃത്വം പുതിയ ഭരണ പരിഷ്‌കാരങ്ങള്‍ തുടരുകയാണ്. ഇതിനിടെയാണ് വെല്ലുവിളി ഉയര്‍ത്തി സുധീരന്റെ രാജി. ഡിസിസി പുന:സംഘടനയുമായി ബന്ധപ്പെട്ട തര്‍ക്കങ്ങള്‍ പരിഹരിച്ചു വരുന്നതിനിടെയുള്ള സുധീരന്റെ രാജി നേതൃത്വത്തിന് പുതിയ തലവേദനയാകുകയാണ്.
മുതിര്‍ന്ന നേതാക്കളുമായി തീരുമാനിക്കാതെയുള്ള ഡിസിസി പുന:സംഘടനയില്‍ സുധീരന്‍ കടുത്ത അതൃപ്തി പ്രകടിപ്പിച്ചിരുന്നു. സുധീരനുള്‍പ്പെടെയുള്ള മുതിര്‍ന്ന നേതാക്കളെ ഒഴിവാക്കിയായിരുന്നു പുന:സംഘടനയുമായി ബന്ധപ്പെട്ട ചര്‍ച്ചകള്‍. ഇതിന് പുറമേ രാഷ്ട്രീയകാര്യ സമിതി യോഗം നടത്താത്തതിലും അദ്ദേഹം അതൃപ്തി പ്രകടിപ്പിച്ചിട്ടുണ്ട്. കെപിസിസി പുനഃസംഘടന യില്‍ ഉള്‍പ്പടെ തന്നെ പരിഗണിക്കാത്തതില്‍ ഉള്ള അതൃപ്തി സുധീരന്‍ നേതൃത്വത്തെ അറിയിച്ചു. സാധാരണ പ്രവര്‍ത്തകന്‍ ആയി തുടരുമെന്ന് രാജിക്കത്ത് കൈമാറിയ ശേഷം സുധീരന്‍ പ്രതികരിച്ചു.
നിലവില്‍ കെ.സുധാകരനും, വി.ഡി സതീശനുമുള്‍പ്പെടെയുള്ള നേതൃത്വം പുതിയ ഭരണ പരിഷ്‌കാരങ്ങള്‍ തുടരുകയാണ്. ഇതിനിടെയാണ് വെല്ലുവിളി ഉയര്‍ത്തി സുധീരന്റെ രാജി. ഡിസിസി പുന:സംഘടനയുമായി ബന്ധപ്പെട്ട തര്‍ക്കങ്ങള്‍ പരിഹരിച്ചു വരുന്നതിനിടെയുള്ള സുധീരന്റെ രാജി നേതൃത്വത്തിന് പുതിയ തലവേദനയാകുകയാണ്.
മുതിര്‍ന്ന നേതാക്കളുമായി തീരുമാനിക്കാതെയുള്ള ഡിസിസി പുന:സംഘടനയില്‍ സുധീരന്‍ കടുത്ത അതൃപ്തി പ്രകടിപ്പിച്ചിരുന്നു. സുധീരനുള്‍പ്പെടെയുള്ള മുതിര്‍ന്ന നേതാക്കളെ ഒഴിവാക്കിയായിരുന്നു പുന:സംഘടനയുമായി ബന്ധപ്പെട്ട ചര്‍ച്ചകള്‍. ഇതിന് പുറമേ രാഷ്ട്രീയകാര്യ സമിതി യോഗം നടത്താത്തതിലും അദ്ദേഹം അതൃപ്തി പ്രകടിപ്പിച്ചിട്ടുണ്ട്.
