തിരുവനന്തപുരം: ശബരിമല സ്വര്ണപ്പാളി വിവാദത്തില് നടപടി. 2019ല് വിജയ് മല്യ നല്കിയ സ്വര്ണം ചെമ്പാണെന്ന് റിപ്പോര്ട്ട് നല്കിയ ബി മുരാരി ബാബുവിനെയാണ് സസ്പെന്റ് ചെയ്തു. അന്ന് അഡ്മിനിസ്ട്രേറ്റീവ് ഓഫീസറായിരുന്നു മുരാരി ബാബു. നിലവില് ഹരിപ്പാട് ഡെപ്യൂട്ടി കമ്മീഷണറാണ് ഇദ്ദേഹം. 2025ല് ഉണ്ണികൃഷ്ണന് പോറ്റിയുടെ കൈയില് സ്വര്ണപ്പാളികൊടുത്തുവിട്ടതും മുരാരിബാബുവാണ്. അന്ന് ശബരിമല എക്സിക്യൂട്ടീവ് ഓഫീസറായിരുന്നു. 2019 ല് സ്വര്ണ്ണം ചെമ്പാണെന്ന് എഴുതിയതും മുരാരി ബാബു ആയിരുന്നു.
അതിനിടെ വീഴ്ചയില് പങ്കില്ലെന്ന് ബി. മുരാരി ബാബു മാധ്യമങ്ങളോട് പറഞ്ഞു.ശബരിമലയിലെ സ്വര്ണപ്പാളി വീഴ്ചയില് പങ്കില്ലെന്ന് തിരുവിതാംകൂര് ഡെപ്യൂട്ടി കമ്മീഷണര് ബി മുരാരി ബാബു. മഹസറില് ചെമ്പ് പാളിയെന്ന് രേഖപ്പെടുത്തിയത് തന്ത്രിയുടെ കത്തിന്റെ അടിസ്ഥാനത്തിലാണെന്ന് അദ്ദേഹം പറഞ്ഞു. തിരുവിതാംകൂര് ദേവസ്വം ബോര്ഡ് ഡെപ്യൂട്ടി കമ്മീഷണറും വിവാദകാലത്തെ ദേവസ്വം അഡ്മിനിസ്ട്രേറ്റീവ് ഓഫീസറുമായിരുന്നു മുരാരി ബാബു. . താന് നല്കിയത് പ്രാഥമിക റിപ്പോര്ട്ട് മാത്രമാണ്. പരിശോധനയ്ക്ക് ശേഷം അനുമതി നല്കുന്നത് തനിക്ക് മുകളില് ഉള്ളവരാണ്. ദ്വാരപാലകരിലും കട്ടിളയിലും നേരിയ തോതിലാണ് സ്വര്ണം പൂശിയത്. അതുകൊണ്ടാണ് ചെമ്പ് തെളിഞ്ഞതെന്നും മുരാരി ബാബു പറഞ്ഞു. 2019ല് ദ്വാരപാലക ശില്പങ്ങളില് ചെമ്പ് തെളിഞ്ഞുവെന്നും മുരാരി ബാബു.
