മോട്ടോ ജി51 ഇറങ്ങി; ചിപ്പ് സെറ്റിലും ക്യാമറയിലും വന്‍ പുതുമ
ബെയിജിംഗ്: മോട്ടറോളയുടെ പുതിയ സ്മാര്ട്ട്ഫോണ് അന്താരാഷ്ട്ര വിപണിയില്‍ ഇറങ്ങി. നീണ്ട കാത്തിരിപ്പിനു ശേഷമാണ് മോട്ടറോളയുടെ ഏറ്റവും പുതിയ സ്മാര്‍ട്ട് ഫോണ്‍ മോട്ടോ ജി 51 പുറത്തിറങ്ങിയത്. ഒരു മിഡ് ലെവല്‍ സ്മാര്‍ട്ട്‌ഫോണാണ് ഇതെന്നാണ് മോട്ടോ തന്നെ വിശേഷിപ്പിക്കുന്നത്. ക്വാല്‍കം സ്‌നാപ്ഡ്രാഗണ്‍ 480+ എസ്ഒസി ചിപ്പാണ് ഈ ഫോണിന്റെ കരുത്ത് 5,000 എംഎഎച്ച് ആണ് ബാറ്ററിശഷി. സെല്‍ഫി ക്യാമറയ്ക്കായി പഞ്ച് ഹോള്‍ കട്ട്-ഔട്ട് ഡിസ്‌പ്ലേയാണ് കാണുന്നത്. പിന്‍ഭാഗത്ത് മൂന്ന് സെന്‍സറുകള്‍ ഉള്‍ക്കൊള്ളുന്ന ക്യാപ്സ്യൂള്‍ ആകൃതിയിലുള്ള ക്യാമറ മൊഡ്യൂളാണ് ഈ ഫോണിന് ഉള്ളത്.
മോട്ടോ ജി51യുടെ 8 ജിബി റാം + 128 ജിബി സ്റ്റോറേജ് വേരിയന്റിന് ഇന്ത്യന്‍ രൂപ ഏകദേശം 17,500 രൂപ ആണ് വില. ബ്ലൂ, ഗ്രേ ഗ്രേഡിയന്റ് ഉള്‍പ്പെടെയുള്ള നിറങ്ങളിലാണ് സ്മാര്‍ട് ഫോണ്‍ വരുന്നത്. 120 ഹെര്‍ട്‌സ് റിഫ്രഷ് റേറ്റും 240ഹെര്‍ട്‌സ് ടച്ച് സാംപ്ലിങ് റേറ്റുമുള്ള 6.8 ഇഞ്ച് ഹോള്‍-പഞ്ച് എല്‍സിഡിയാണ് ഈ ഫോണിന്റെ സ്‌ക്രീന്‍.
മോട്ടോ ജി51യുടെ പിന്‍ഭാഗത്ത് ട്രിപ്പിള്‍ ക്യാമറാ സജ്ജീകരണമാണ് ഉള്ളത്. ഇതില്‍ 50 മെഗാപിക്‌സലിന്റെ പ്രൈമറി സെന്‍സറും 8 മെഗാപിക്സല്, 2 മെഗാപിക്‌സലിന്റെ സെന്‍സറും ഉള്‍പ്പെടുന്നു. മുന്‍വശത്തെ ക്യാമറയുടെ ഫീച്ചറുകള്‍ വെളിപ്പെടുത്തിയിട്ടില്ല. 10 വാട്‌സ് ഫാസ്റ്റ് ചാര്‍ജിങ് പിന്തുണയുള്ള 5,000എംഎഎച്ച് ആണ് ബാറ്ററി. ഡോള്‍ബി അറ്റ്മോസ് ഫീച്ചറും ലഭ്യമാണ്. 5ജി, വൈ-ഫൈ 5, ബ്ലൂടൂത്ത് വി5.2, ജിപിഎസ്, യുഎസ്ബി ടൈപ്‌സി പോര്‍ട്ട്, 3.5എംഎം ഓഡിയോ ജാക്ക് എന്നിവയാണ് മോട്ടോ ജി51യിലെ പ്രധാന കണക്റ്റിവിറ്റികള്‍. ഹാന്‍ഡ്‌സെറ്റിന്റെ പിന്‍ഭാഗത്ത് ഫിംഗര്‍പ്രിന്റ് സെന്‍സറും ഉണ്ട്.
മോട്ടോ ജി51 അവതരിപ്പിക്കുന്നതിനു തൊട്ടു മുന്‍പ് മോട്ടോ ഇ40, എഡ്ജ് 20 സീരീസുകളും മോട്ടറോള പുറത്തിറക്കിയിരുന്നു. ലെനോവോയുടെ ഉടമസ്ഥതയിലുള്ള മോട്ടറോള എഡ്ജ് 20, എഡ്ജ് 20 ഫ്യൂഷന്‍, എഡ്ജ് 20 പ്രോ എന്നിവയും വിപണിയിലെത്തിച്ചു.
