മലപ്പുറം: അക്രമകാരികളായ തെരുവ് നായ്ക്കളെ കൊല്ലാന്‍ വഴിതേടി സംസ്ഥാന സര്‍ക്കാര്‍. ഇത് സംബന്ധിച്ച് ഉത്തരവിറക്കുന്നതില്‍ സര്‍ക്കാര്‍ നിയമ സാധുത തേടും. നിലവിലെ കേന്ദ്ര ചട്ടങ്ങള്‍ ഭേദഗതി ചെയ്യണമെന്ന് ആവശ്യപ്പെട്ട് ഹൈക്കോടതിയെ സമീപിക്കുമെന്നും തദ്ദേശമന്ത്രി എം ബി രാജേഷ് പറഞ്ഞു. മാധ്യമങ്ങള്‍ വസ്തുതകള്‍ പറയാതെ സര്‍ക്കാരിനെ കുറ്റപ്പെടുത്തുകയാണെന്നും എം ബി രാജേഷ് ആരോപിച്ചു.
അതേസമയം, തെരുവ് നായയുടെ ആക്രമണത്തില്‍ കണ്ണൂരില്‍ ഒരു കുട്ടി മരിച്ച സംഭവത്തിന് പിന്നാലെ സമാനമായ രീതിയില്‍ കുട്ടിയെ നായ ആക്രമിക്കുന്നതിന്റെ വീഡിയോ പുറത്ത് വരുകയാണ്. കണ്ണൂരില്‍ തെരുവ് നായകളുടെ ആക്രമണത്തില്‍ നിന്ന് മൂന്നര വയസുകാരി തലനാരിഴയ്ക്കാണ് രക്ഷപ്പെട്ടത്. കണ്ണൂര്‍ മട്ടന്നൂരിനടുത് നീര്‍വേലിയിലാണ് സംഭവം ഉണ്ടായത്. വീട്ടുമുറ്റത്ത് കളിച്ച് കൊണ്ടിരുന്ന മൂന്നര വയസുകാരി ആയിശയാണ് തെരുവ് നായകളുടെ അക്രമത്തില്‍ നിന്ന് രക്ഷപ്പെട്ടത്. ഇന്നലെ പുഴാതിയിലും യുകെജി വിദ്യാര്‍ത്ഥിയെ തെരുവ് നായകള്‍ ആക്രമിക്കാന്‍ ശ്രമിച്ചിരുന്നു
