സ്വര്‍ണ വിലയില്‍ വീണ്ടും ഇടിവ്
കൊച്ചി: സംസ്ഥാനത്ത് സ്വര്‍ണ വില വീണ്ടും കുറഞ്ഞു. പവന് 280 രൂപയാണ് കുറഞ്ഞത്. ഒരു പവന് സ്വര്‍ണത്തിന് 34,720 രൂപയാണ് വില . ഒരു ഗ്രാമിന് 4,340 രൂപയും. ഇന്നലെ ഒരു പവന് സ്വര്‍ണത്തിന് 35,000 രൂപയായിരുന്നു വില.ഫെബ്രുവരി 19ന് ഈ മാസത്തെ ഏറ്റവും കുറഞ്ഞ നിരക്കില്‍ ആയിരുന്നു വില .ഒരു പവന് സ്വര്‍ണത്തിന് 34,400 രൂപയായിരുന്നു വില. ഫെബ്രുവരി ഒന്നിന് രാവിലെ പവന് 36,800 രൂപയായിരുന്ന സ്വര്‍ണ വില പിന്നീട് ഇടിയുകയായിരുന്നു. കേന്ദ്ര ബജറ്റില്‍ സ്വര്‍ണത്തിന്റെ ഇറക്കുമതി തീരുവ കുറച്ച നടപടി ആഭ്യന്തര വിപണിയില്‍ പെട്ടെന്ന് വില കുറയാന്‍ കാരണമായി. അന്ന് തന്നെ പവന് 400 രൂപ കുറഞ്ഞിരുന്നു.എന്നാല്‍ പിന്നീട് രാജ്യാന്തര വിപണിയില്‍ വില ഇടിഞ്ഞതും സ്വര്‍ണ വിലയില്‍ പ്രതിഫലിയ്ക്കുന്നുണ്ട്.
