കോഴിക്കോട്: വിശ്വാസികള്‍ക്ക് സിപിഎം അംഗത്വം നല്‍കുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ . പാതിരിമാര്‍ക്കും പാര്‍ട്ടിയില്‍ ചേരാമെന്ന ലെനിന്റെ വാചകം ഓര്‍മ്മിപ്പിച്ചായിരുന്നു കോടിയേരിയുടെ പ്രതികരണം. സിപിഎം ഒരുമതത്തിനും എതിരല്ലെന്നും കോടിയേരി പറഞ്ഞു. മുസ്ലീം ലീഗിനെതിരെ കടുത്ത വിമര്‍ശനമാണ് കോടിയേരി ഉന്നയിച്ചത്. ഇസ്ലാമിക മൗലിക വാദത്തിന് ലീ?ഗ് പിന്തുണ നല്‍കുകയാണ്. ജമാ അത്തെ ഇസ്ലാമിയുടെ പ്രത്യയ ശാസ്ത്രമാണ് ലീ?ഗിനെ നയിക്കുന്നത്. ലീ?ഗിന് എതിരാണ് സമസ്തയുടെ നിലപാട്. ലീ?ഗ് ഒറ്റപ്പെട്ട അവസ്ഥയിലാണെന്നും കോടിയേരി പറഞ്ഞു. സിപിഎം കോഴിക്കോട് ജില്ലാ സമ്മേളനത്തിലാണ് കോടിയേരിയുടെ പ്രതികരണം.
കമ്മ്യൂണിസം മതവിരുദ്ധമാണെന്ന പ്രചാരണം ശക്തിപ്പെടുത്താന്‍ ലീഗ് ശ്രമിക്കുന്നതിനിടെ ഇകെ സുന്നി വിഭാഗത്തിലെ പ്രമുഖ നേതാവ് അബ്ദുസമദ് പൂക്കോട്ടൂര്‍ ലീഗിനെ വെട്ടിലാക്കുന്ന പ്രസ്തവാനയുമായി രംഗത്ത് വന്നിരുന്നു. കമ്മ്യൂണിസ്റ്റ് പാര്‍ട്ടികളുമായും സര്‍ക്കാരുമായും സഹകരിക്കുന്നതില്‍ തെറ്റില്ലെന്നായിരുന്നു അബ്ദുസമ്മദ് പൂക്കോട്ടൂര്‍ പറഞ്ഞത്. ലീഗിനോട് ചേര്‍ന്ന് നില്‍ക്കുന്ന സമസ്ത അനുയായികള്‍ക്ക് സിപിഎമ്മിലും പ്രവര്‍ത്തിക്കാം എന്നാണ് സമദ് പൂക്കോട്ടൂര്‍ നല്കിയ സൂചന.
