സംസ്ഥാനത്ത് വീണ്ടും സ്വര്‍ണവില താഴുന്നു .
കേരളത്തിൽ വീണ്ടും സ്വര്‍ണവില താഴോട്ട് . പവന് 120 രൂപയും ഗ്രാമിന് 15 രൂപയും ഇന്ന് കുറഞ്ഞു. ഇതോടെ ചൊവാഴ്ച്ച സ്വര്‍ണവില പവന് 33,520 രൂപയും ഗ്രാമിന് 4,190 രൂപയുമായി. ഈ മാസത്തെ സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 33,160 രൂപയാണ് (മാര്‍ച്ച് അഞ്ചിന്). ഏറ്റവും ഉയര്‍ന്ന വിലനിലവാരമാകട്ടെ 34,440 രൂപയും. മാര്‍ച്ച് മാസം ഇതുവരെ പവന് 920 രൂപയുടെ വിലയിടിവാണ് സംഭവിച്ചത്. ഫെബ്രുവരിയില്‍ സ്വര്‍ണം പവന് 2,640 രൂപ കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,800 രൂപയും ഏറ്റവും കുറഞ്ഞ നിരക്ക് 34,160 രൂപയുമായിരുന്നു (പവന്). വെള്ളി നിരക്കില്‍ ഇന്ന് ചെറിയ മാറ്റം സംഭവിച്ചു. 1 ഗ്രാം വെള്ളിക്ക് 66 രൂപയാണ് ചൊവാഴ്ച്ച വില. 8 ഗ്രാം വെള്ളിക്ക് വില 528 രൂപ. രാജ്യത്തെ പ്രമുഖ ചരക്ക് വ്യാപാര കേന്ദ്രമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണം 44,795 രൂപയാണ് വില രേഖപ്പെടുത്തുന്നത്; ഇടിവ് 0.24 ശതമാനം. വെള്ളിയുടെ കിലോ നിരക്ക് 0.5 ശതമാനം ഇടിഞ്ഞ് 66,013 രൂപയിലുമെത്തി.
