റിയല്‍മി നാര്‍സോ 30Aയുടെ വില്പന
ഇന്നാരംഭിക്കും; വില 8,999 രൂപ മുതല്‍
നാര്‍സോ 10, നാര്‍സോ 20 ഫോണുകളുടെ പിന്‍ഗാമിയായി റിയല്‍മി കഴിഞ്ഞ മാസം 24-ന് അവതരിപ്പിച്ച നാര്‍സോ 30 ശ്രേണിയിലെ വിലക്കുറവുള്ള ഫോണ്‍ നാര്‍സോ 30Aയുടെ വില്പന ഇന്നാരംഭിക്കും. പ്രീമിയം പതിപ്പായ നാര്‍സോ 30 പ്രോ 5ജിയുടെ വില്പന കഴിഞ്ഞ ദിവസം റിയല്‍മി ആരംഭിച്ചിരിക്കുന്നു. 3 ജിബി റാം + 32 ജിബി സ്റ്റോറേജ് പതിപ്പിന് 8,999 രൂപയും 4 ജിബി റാം + 64 ജിബി സ്റ്റോറേജ് പതിപ്പിന് 9,999 രൂപയുമാണ് നാര്‍സോ 30Aയുടെ വില. ലേസര്‍ ബ്ലാക്ക്, ലേസര്‍ ബ്ലൂ നിറങ്ങളില്‍ ലഭ്യമായ നാര്‍സോ 30Aയുടെ വില്പന ഉച്ചയ്ക്ക് 12 മണി മുതല്‍ ഫ്‌ലിപ്കാര്‍ട്ട്, റിയല്‍മി.കോം വെബ്സൈറ്റുകള് മുഖേനയാണ് ആരംഭിക്കുക.
ആന്‍ഡ്രോയിഡ് 10 അടിസ്ഥാനമായ റിയല്‍മി യുഐ ഓപ്പറേറ്റിംഗ് സിസ്റ്റത്തില്‍ ആണ് നാര്‍സോ 30A പ്രവര്‍ത്തിക്കുന്നത്. 20:9 ആസ്‌പെക്റ്റ് റേഷ്യോയുള്ള 6.5 ഇഞ്ച് എച്ച്ഡി + (720x1,600 പിക്സല്‍) ഡിസ്പ്ലേയാണ് ഫോണിന്. 570 നിറ്റ് പീക്ക് ബ്രൈറ്റ്‌നെസ്സും ഈ ഡിസ്പ്ലേയ്ക്കുണ്ട്. ഒക്ട-കോര്‍ മീഡിയടെക് ഹീലിയോ G85 SoC ആണ് ഹൃദയ13 മെഗാപിക്സല് പ്രൈമറി സെന്‍സര്‍ എഫ് / 2.2 ലെന്‍സും എഫ് / 2.4 ലെന്‍സുള്ള മോണോക്രോം പോര്‍ട്രെയിറ്റ് സെന്‍സറും ചേര്‍ന്ന ഡ്യുവല്‍ റിയര്‍ ക്യാമറാണ് നാര്‍സോ 30A-യില്‍. മുന്‍വശത്ത് 8 മെഗാപിക്സല് (എഫ് / 2.0 ലെന്‍സ്) സെല്‍ഫി ക്യാമറയും ക്രമീകരിച്ചിട്ടുണ്ട്.
18W ഫാസ്റ്റ് ചാര്‍ജിംഗിനും റിവേഴ്‌സ് ചാര്‍ജിംഗിനും പിന്തുണ നല്‍കുന്ന 6,000 എംഎഎച്ച് ബാറ്ററിയാണ് നര്‍സോ 30A-യില്‍. 64 ജിബി വരെയുള്ള ഇന്റേണല്‍ സ്റ്റോറേജ് മൈക്രോ എസ്ഡി കാര്‍ഡ് വഴി വര്‍ദ്ധിപ്പിക്കാം. 4 ജി എല്‍ടിഇ, വൈ-ഫൈ 802.11ac, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോര്‍ട്ട് എന്നിവയാണ് കണക്ടിവിറ്റി ഓപ്ഷനുകള്‍. ആക്സിലറോമീറ്റര്‍, ആംബിയന്റ് ലൈറ്റ്, മാഗ്‌നെറ്റോമീറ്റര്‍, പ്രോക്സിമിറ്റി സെന്‍സര്‍, പിന്‍വശത്ത് ഘടിപ്പിച്ച ഫിംഗര്‍പ്രിന്റ് സെന്‍സര്‍ എന്നിവ ഫോണിലുണ്ട്.
