തിരുവനന്തപുരം: കേരളത്തിലെ മുഖ്യമന്ത്രി ചര്ച്ച നിര്ണായക ഘട്ടത്തിലേക്ക് കടക്കുന്നു. മുഖ്യമന്ത്രി പദവിക്കായി ചരടുവലിക്കുന്ന നേതാക്കളെ ഹൈക്കമാന്റ് ദില്ലിക്ക് വിളിപ്പിച്ചു. വിഡി സതീശനും രമേശ് ചെന്നിത്തലയും കെപിസിസി അധ്യക്ഷന് സണ്ണി ജോസഫും ഇന്ന് ദില്ലിക്ക് പുറപ്പെടും. നിലവില് കെസി വേണുഗോപാല് ദില്ലിയില് തുടരുകയാണ്. നേതാക്കളെല്ലാവരും ദില്ലിയിലെത്തുന്നതോടെ നാളെ നിര്ണ്ണായക ചര്ച്ച നടക്കും. നിരീക്ഷകരുടെ റിപ്പോര്ട്ടും പൊതുസ്ഥിതിയും ചര്ച്ചയാകും.
അതേസമയം എം എല് എമാരുടെ പിന്തുണ രേഖപ്പെടുത്തിയതുമായി ബന്ധപ്പെട്ട് പുറത്തുവന്ന ചിത്രങ്ങള് മുകുള് വാസ്നിക് തള്ളി. പത്രം പുറത്ത് വിട്ടത് യഥാര്ത്ഥ രേഖയല്ലെന്നും അദ്ദേഹം വിശദീകരിച്ചു. എ ഐ സി സി നിരീക്ഷകരുടെ കയ്യിലുണ്ടായിരുന്ന രേഖകളുടെ ചിത്രമാണ് പുറത്തുവിട്ടത്. എഐസിസി നിരീക്ഷകര് വ്യാഴാഴ്ച നടത്തിയ വ്യക്തിഗത കൂടിക്കാഴ്ചയില്, തിരഞ്ഞെടുക്കപ്പെട്ട 63 കോണ്ഗ്രസ് എംഎല്എമാരില് 47 പേരും വേണുഗോപാലിന്റെ പേരാണ് നിര്ദ്ദേശിച്ചതെന്നാണ് പുറത്തുവരുന്ന വിവരങ്ങള്. കെപിസിസി പ്രസിഡന്റ് സണ്ണി ജോസഫ് ഉള്പ്പെടെയുള്ള പ്രമുഖ നേതാക്കള് ഈ പട്ടികയില് ഉള്പ്പെടുന്നുവെന്ന് ചിത്രം പുറത്തുവിട്ട ദി ന്യൂ ഇന്ത്യന് എക്സ്പ്രസ് റിപ്പോര്ട്ട് ചെയ്തത്. സണ്ണി ജോസഫിനെ കൂടാതെ സന്ദീപ് ജി വാര്യര്, സജീവ് ജോസഫ്, ടി ഒ മോഹന്, ഉഷാ വിജയന് തുടങ്ങിയവരും വേണുഗോപാലിനെ പിന്തുണച്ചുവെന്നാണ് ദി ന്യൂ ഇന്ത്യന് എക്സ്പ്രസിന്റെ റിപ്പോര്ട്ടില് പറയുന്നത്. എന്നാല് മുഖ്യമന്ത്രി പദത്തിലേക്ക് ശക്തമായി രംഗത്തുള്ള രമേശ് ചെന്നിത്തലയ്ക്ക് കനത്ത തിരിച്ചടിയാണ് എംഎല്എമാരുടെ നിലപാട് നല്കുന്നത്. ചെന്നിത്തലയുടെ വിശ്വസ്തനായി അറിയപ്പെടുന്ന ഐ സി ബാലകൃഷ്ണന് പോലും വേണുഗോപാലിനെയും ചെന്നിത്തലയെയും ഒരേപോലെ പിന്തുണച്ചതായാണ് റിപ്പോര്ട്ട്. ചെന്നിത്തലയ്ക്ക് എട്ട് എം എല് എമാരുടെ പിന്തുണ മാത്രമാണ് ലഭിച്ചതെന്നാണ് വിവരം. ജനപ്രിയ മുഖമായി ഉയര്ത്തിക്കാട്ടപ്പെട്ട പ്രതിപക്ഷ നേതാവ് വി ഡി സതീശനെ ആറ് എം എല് എമാര് മാത്രമാണ് പിന്തുണച്ചത്. സതീശനും ചെന്നിത്തലയും നിരീക്ഷകരെ കണ്ട് തങ്ങളുടെ അവകാശവാദങ്ങള് ഉന്നയിച്ചപ്പോള് കെ സി വേണുഗോപാല് കൂടിക്കാഴ്ചയില് നിന്ന് വിട്ടുനിന്നിരുന്നു.
