സ്ഥിരനിക്ഷേപങ്ങളില്നിന്ന് മികച്ച നേട്ടം; നിരക്ക് പുതുക്കി ഫെഡറല് ബാങ്ക്
രാജ്യത്തെ പ്രമുഖ സ്വകാര്യ ബാങ്കായ ഫെഡറല് ബാങ്ക് സ്ഥിരനിക്ഷേപങ്ങളുടെ പലിശ നിരക്ക് പുതുക്കി. ടേം ഡെപ്പോസിറ്റ്, എന്.ആര്.ഇ. ടേം ഡെപ്പോസിറ്റ്, ഡെപ്പോസിറ്റ് പ്ലസ് തുടങ്ങിയ പദ്ധതികളുടെ പലിശ നിരക്കാണു പുതുക്കിയത്. നവംബര് 17 മുതല് പുതുക്കിയ നിരക്കുകള് പ്രബല്യത്തില് വന്നെന്നാണു ബാങ്കിന്റെ ഔദ്യോഗിക വെബ്സൈറ്റ് വ്യക്തമാക്കുന്നത്.
പുതിയ നിരക്കുകള് പ്രകാരം സാധാരണ നിക്ഷേപകര്ക്ക് ലഭിക്കുന്ന ഏറ്റവും ഉയര്ന്ന പലിശ 5.60 ശതമാനം ആകും. അതേസമയം മുതിര്ന്ന പൗരന്മാര്ക്ക് 6.25 ശതമാനം വരെ പലിശ ലഭിക്കും. രണ്ടു കോടി രൂപയില് താഴെയുള്ള അഞ്ചു വര്ഷത്തിനു മുകളിലുള്ള നിക്ഷേപങ്ങള്ക്കാകും ഈ നിരക്കുകള് ലഭിക്കുക. നിക്ഷേപങ്ങള്ക്കു വിവിധ കാലയളവിലേക്കു ലഭിക്കുന്ന നിരക്കുകള് നോക്കാം.
റസിഡന്റ് ടേം ഡെപ്പോസിറ്റ്
ഏഴു ദിവസം മുതല് അഞ്ചു വര്ഷത്തിനു മുകളില് വരെയാണ് നിക്ഷേപം സാധ്യമാകുക. ഏഴു ദിവസം മുതല് 29 ദിവസം വരെയുള്ള സാധാരണക്കാരുടെ നിക്ഷേപങ്ങള്ക്ക് 2.50 ശതമാനം പലിശയും മുതിര്ന്ന പൗരന്മാരുടെ നിക്ഷേപങ്ങള്ക്ക് മൂന്നു ശതമാനം പലിശയും ലഭിക്കും. 30 ദിവസം മുതല് 45 ദിവസം വരെയുള്ള നിക്ഷേപങ്ങള്ക്ക് സാധാരണക്കാര്ക്ക് 2.75 ശതമാനം പലിശ ലഭിക്കുമ്പോള് മുതിര്ന്ന പൗരന്മാര്ക്ക് 3.25 ശതമാനം പലിശ ലഭിക്കും.
46 ദിവസം മുതല് 90 ദിവസം വരെ യഥാക്രമം മൂന്നു ശതമാനവും 3.50 ശതമാനവുമാണു പലിശ. 91 മുതല് 180 വരെയുള്ള നിക്ഷേപങ്ങള്ക്ക് 3.75 ശതമാനവും 4.25 ശതമാനവും പലിശ ലഭിക്കും. 181 മുതല് 270 ദിവസം വരെ സാധാരണക്കാര്ക്ക് നാലു ശതമാനം പലിശ നല്കുമ്പോള് മുതിര്ന്ന പൗരന്മാര്ക്ക് 4.50 ശതമാനം പലിശ ലഭിക്കും.
5.10 ശതമാനവും 5.60 ശതമാനവും പലിശ ലഭിക്കണമെങ്കില് നിക്ഷേപങ്ങള് ഒരു വര്ഷത്തേയ്ക്ക് ആയിരിക്കണം. 16 മാസം വരെയുള്ള സാധരണക്കാരുടെ നിക്ഷേപങ്ങള്ക്ക് 5.25 ശതമാനവും മുതിര്ന്നപൗരന്മാര്ക്ക് 5.75 ശതമാനവും പലിശ ലഭിക്കും. രണ്ടു വര്ഷം മുതല് അഞ്ചു വര്ഷം വരെയുള്ള നിക്ഷേപങ്ങള്ക്ക് 5.35 ശതമാനവും 5.85 ശതമാനവുമാണ് പലിശ. അഞ്ചു വര്ഷത്തിനു മുകളിലുള്ള നിക്ഷേപങ്ങള്ക്ക് സാധാരണക്കാര്ക്ക് 5.60 ശതമാനവും മുതിര്ന്ന പൗരന്മാര്ക്ക് 6.25 ശതമാനവും പലിശ ലഭിക്കും.
എന്.ആര്.ഇ. ടേം ഡെപ്പോസിറ്റ്സ്
രണ്ടു കോടിക്കു മുകളിലുള്ള എന്.ആര്.ഇ. നിക്ഷേപങ്ങളുടെ പലിശ നിരക്കാണ് ബാങ്ക് പുതുക്കിയിരിക്കുന്നത്. രണ്ടു കോടി മുതല് 50 കോടി വരെയുള്ള ഒരു വര്ഷം മുതല് 20 മാസം വരെയുള്ള നിക്ഷേപങ്ങള്ക്ക് 4.25 ശതമാനമാണ് പലിശ. 20 മാസം മുതല് അഞ്ചു വര്ഷം വരെയുള്ള നിക്ഷേപങ്ങള്ക്ക് 4.75 ശതമാനം പലിശ ലഭിക്കും. 20 മാസം മുതല് അഞ്ചു വര്ഷം വരെ വിവിധ കാലയളവുകളിലുള്ള നിക്ഷേപങ്ങള് സാധ്യമാണ്.
ഡെപ്പോസിറ്റ് പ്ലസ്
ഫെഡറല് ബാങ്ക് ഇന്ത്യന് ഉപഭോക്താക്കള്ക്കായി ഡെപ്പോസിറ്റ് പ്ലസ് അക്കൗണ്ടും വാഗ്ദാനം ചെയ്യുന്നുണ്ട്. മിനിമം നിക്ഷേപ തുക 15,00,001 രൂപ ആവശ്യമാണ്. അത് ക്യാഷ് സര്ട്ടിഫിക്കറ്റ് അല്ലെങ്കില് സ്ഥിര നിക്ഷേപമായി മാത്രമേ ലഭ്യമാകൂ. കാലാവധിക്കു മുമ്പ് നിക്ഷേപങ്ങള് പിന്വലിക്കാന് സാധിക്കില്ല. രണ്ടു കോടി രൂപയില് താഴെയുള്ള നിക്ഷേപങ്ങള്ക്ക് മാത്രമേ മുതിര്ന്ന പൗരന്മാരുടെ നിരക്ക് ബാധകമാകൂ.
ഒരു വര്ഷത്തെ ഡെപ്പോസിറ്റ് പ്ലസ് പദ്ധതിയിലെ നിക്ഷേപങ്ങള്ക്കു സാധാരണക്കാര്ക്ക് 5.15 ശതമാനവും മുതിര്ന്ന പൗരന്മാര്ക്ക് 5.65 ശതമാനവും പലിശ ലഭിക്കും. ഒരു വര്ഷം മുതല് 16 മാസം വരെ സാധാരണക്കാര്ക്ക് 5.05 ശതമാനവും മുതിര്ന്ന പൗരന്മാര്ക്ക് 5.55 ശതമാനവുമാകും പലിശ. 16 മാസത്തെ നിക്ഷേപങ്ങള്ക്കു യഥാക്രമം 5.35 ശതമാനവും 5.85 ശതമാനവുഗ പലിശ ലഭിക്കും.
രണ്ടു വര്ഷം മുതല് അഞ്ചു വര്ഷം വരെയുള്ള നിക്ഷേപങ്ങള്ക്ക് 5.40 ശതമാനവും 5.90 ശതമാനവും പലിശ കിട്ടും. 5.65 ശതമാനവും 6.30 ശതമാനവും പലിശ ലഭിക്കണമെങ്കില് നിക്ഷേപങ്ങള് അഞ്ചു വര്ഷത്തേയ്ക്ക് ആയിരിക്കണം.
uu5z91