രാജ്യാന്തര യാത്രാ വിമാനങ്ങള്‍ ലഘൂകരിക്കാന്‍ പദ്ധതി'; ഒമിക്രോണ്‍ നേരിടാന്‍ മുന്‍കരുതല്‍ ശക്തിപ്പെടുത്തണമെന്ന് പ്രധാനമന്ത്രി
ദില്ലി: കൊവിഡ് വൈറസിന്റെ പുതിയ വകഭേദം നേരിടാന്‍ മുന്‍കരുതല്‍ ശക്തിപ്പെടുത്തണമെന്ന് പ്രധാനമന്ത്രി നരേന്ദ്രമോദി. ഡല്‍ഹിയില്‍ ചേര്‍ന്ന ഉന്നതതലയോഗത്തിലാണ് നിര്‍ദേശം. കൊവിഡ് വാക്സിന് രണ്ടാം ഡോസ് വേഗത്തിലാക്കാന്‍ നിര്‍ദേശം. രാജ്യാന്തര യാത്രാ വിമാനങ്ങള്‍ ലഘൂകരിക്കാന്‍ പദ്ധതി വേണമെന്ന് പ്രധാനമന്ത്രി പറഞ്ഞു. കൊവിഡ് പ്രതിരോധ പ്രവര്‍ത്തനങ്ങളില്‍ കേന്ദ്ര സംസ്ഥാന സര്‍ക്കാരുകള്‍ യോജിച്ച് പ്രവര്‍ത്തിക്കണം.
ഒമിക്രോണ്‍ വകഭേദത്തിന്റെ ഭീഷണിയുടെ പശ്ചാത്തലത്തില്‍ പ്രധാനമന്ത്രി നരേന്ദ്രമോദിയുടെ അധ്യക്ഷതയിലാണ് ഉന്നതതലയോഗം ചേര്‍ന്നത്. ഒമിക്രോണ്‍ വകഭേദം കണ്ടെത്തുന്ന മേഖലകളില്‍ നിയന്ത്രണം ശക്തമാക്കണം. രാജ്യാന്തര വിമാനയാത്രയ്ക്കുള്ള ഇളവുകള്‍ പുനഃപരിശോധിക്കണമെന്ന് പ്രധാനമന്ത്രി. വിദേശത്തുനിന്നെത്തുന്നവര്‍ക്ക് നിരരീക്ഷണവും പരിശോധനയും വേണമെന്നും പ്രധാനമന്ത്രി ചൂണ്ടിക്കാട്ടി .
