വിപണി നേട്ടത്തോടെ തുടക്കം
മുംബൈ: മൂന്നുദിവസത്തെ നഷ്ടത്തിനുശേഷം വ്യാപാര ആഴ്ചയുടെ അവസാനദിനം സൂചികകളില്‍ നേട്ടത്തോടെ തുടക്കം. സെന്സെക്സ് 209 പോയന്റ് ഉയര്‍ന്ന് 61,133 ലും നിഫ്റ്റി 50 പോയന്റ് നേട്ടത്തില്‍ 18,228 ലുമാണ് വ്യാപാരം ആരംഭിച്ചത്.
ആഗോള സാഹചര്യങ്ങളും, ക്രൂഡ് ഓയില്‍ വിലയിലെ വര്‍ധനവുംമൂലം വിപണിയില്‍ ചാഞ്ചാട്ടം പ്രകടമാണ്. റെക്കോഡ് നേട്ടത്തില്‍നിന്ന് വന്‍തോതില്‍ ലാഭമെടുപ്പ് നടന്നതോടെയാണ് കഴിഞ്ഞ ദിവസങ്ങളില്‍ സൂചികകള്‍ സമ്മര്‍ദം നേരിട്ടത്.
എച്ച്ഡിഎഫ്‌സി (1.55%), ടൈറ്റാന്‍(1.37%), പവര്‍ഗ്രിഡ് (0.90%), എച്ച്ഡിഎഫ്‌സി ബാങ്ക് (0.88%), ആക്‌സിസ്ബാങ്ക് (0.83%), റിലയന്‍സ്(0.82%) എന്നീ ഓഹരികളാണ് പ്രധാനമായും നേട്ടത്തില്‍. കൊട്ടക് ബാങ്ക്, ടാറ്റാ സ്റ്റീല്‍, എന്‍ടിപിസി, ഏഷ്യന്‍ പെയിന്റ് തുടങ്ങിയവ നഷ്ടത്തിലുമാണ്.
സെക്ടറല്‍ സൂചികകളില്‍ പൊതുമേഖല ബാങ്ക് (1.59%), റിയല്‍റ്റി (2.12%) എന്നിവ നേട്ടത്തിലാണ്. ഐടി, ലോഹ സൂചികകളില്‍ യഥാക്രമം 0.13, 0.4 ശതമാനം താഴ്ന്നു. നിഫ്റ്റി 40,326 നിലവാരത്തിലെത്തി റെക്കോഡിട്ടു. ബിഎസ്ഇ മിഡ്ക്യാപ്, സ്‌മോള്‍ക്യാപ് സൂചികകളും നേരിയ നേട്ടത്തിലാണ്.
