കോഴിക്കോട്: നിപ്പ വൈറസ് ബാധ സ്ഥിരീകരിച്ച ഫറോക്ക് സ്വദേശിയെ കോഴിക്കോട് മെഡിക്കല് കോളേജ് ആശുപത്രിയില് ഐസൊലേഷന് വാര്ഡിലേക്ക് മാറ്റി. അര്ദ്ധരാത്രി 12 മണിയോടെയാണ് രോഗിയെ ഐസൊലേഷന് വാര്ഡിലേക്ക് മാറ്റിയത്. വാര്ഡിന് സമീപത്തേക്ക് കര്ശന നിയന്ത്രണം ഏര്പ്പെടുത്തിയതായി മെഡിക്കല് കോളേജ് ആശുപത്രി സൂപ്രണ്ട് അറിയിച്ചു. സാവിത്രി ദേവി സാബു വാര്ഡിലേക്കുള്ള പ്രവേശനം പൂര്ണ്ണമായി നിരോധിച്ചിട്ടുണ്ട്. പ്രത്യേക വാര്ഡ് പരിസരത്ത് ബാരിക്കേഡുകള് സ്ഥാപിച്ചു. പരിസരത്തെ പാര്ക്കിങ്ങും പൂര്ണ്ണമായി നിരോധിച്ചു. ഡിസ്ചാര്ജ്ജ് ചെയ്യുന്ന രോഗികള് ഉള്പ്പെടെ ആശുപത്രിയുടെ പ്രധാന ഗെയിറ്റ് ഉപയോഗിക്കണമെന്ന് സൂപ്രണ്ട് അറിയിച്ചു.
നിപ്പ ലക്ഷണങ്ങളോടെ ചികിത്സയില് കഴിയുകയായിരുന്നു 43കാരനാണ് കോഴിക്കോട് മെഡിക്കല് കോളേജ് ആശുപത്രിയിലെ ലാബില് നടത്തി പരിശോധനയില് രോ?ഗം സ്ഥിരീകരിച്ചത്. നിപ ഐസൊലേഷന് വാര്ഡ് പ്രവര്ത്തിക്കുന്നതിനാല് പേ വാര്ഡ് മേഖലയിലും പരിസര പ്രദേശങ്ങളിലും രോഗനിയന്ത്രണത്തിന്റെയും സുരക്ഷയുടെയും ഭാഗമായി കര്ശനമായ നിയന്ത്രണങ്ങളും ക്രമീകരണങ്ങള് ഏര്പ്പെടുത്തിയിട്ടുണ്ട്. രോഗികളുടെ സുരക്ഷയും രോഗവ്യാപനം തടയുന്നതും മുന്നിര്ത്തിയാണ് ഈ ക്രമീകരണങ്ങള് ഏര്പ്പെടുത്തിയിരിക്കുന്നതെന്നും എല്ലാവരുടെയും സഹകരണവും പിന്തുണയും അഭ്യര്ത്ഥിക്കുന്നുവെന്നും സൂപ്രണ്ട് അറിയിച്ചു.
മെഡിക്കല് കോളേജില് എര്പ്പെടുത്തിയിരിര്രുന്ന നിയന്ത്രണങ്ങള് ഇവയാണ്
1. സാവിത്രി ദേവി സാബു ബ്ലോക്കിലേക്കുള്ള പ്രവേശന വഴി പൂര്ണമായും നിരോധിച്ചിരിക്കുന്നു.
2. സാവിത്രി ദേവി സാബു ബ്ലോക്കിലേക്കുള്ള പ്രവേശന കവാടം അടച്ചിട്ടിരിക്കുന്നതിനാല് ജീവനക്കാരും രോഗികളും ഉള്പ്പെടെ എല്ലാവരും അനുവദിച്ചിട്ടുള്ള മറ്റ് വഴികള് ഉപയോഗിച്ച് മാത്രം പ്രവേശിക്കേണ്ടതാണ്.
3. ഡിസ്ചാര്ജ് ചെയ്യുന്ന രോഗികള് ഉള്പ്പടെ ആശുപത്രിയുടെ മെയിന് ഗേറ്റ് വഴി പുറത്തുപോകേണ്ടതാണ്.
4. നിപ ഐസൊലേഷന് വാര്ഡ് പ്രവര്ത്തിക്കുന്ന പ്രദേശത്തേക്ക് അനാവശ്യമായി പ്രവേശിക്കുകയോ സഞ്ചരിക്കുകയോ ചെയ്യരുത്.
5. ആശുപത്രിയിലെ എല്ലാ വിഭാഗം ജീവനക്കാരും, രോഗികളും, കൂട്ടിരിപ്പുകാരും മേല്പ്പറഞ്ഞ നിര്ദ്ദേശങ്ങള് കര്ശനമായി പാലിക്കേണ്ടതാണ്.
6. സാവിത്രി ദേവി സാബു ബ്ലോക്ക് പരിസരത്ത് വാഹന പാര്ക്കിങ് അനുവദിക്കുന്നതല്ല.
