പ്ലസ് വൺ പ്രവേശനം; ട്രയൽ അലോട്ട്മെന്റ് പരിശോധിക്കാം
കേരള പ്ലസ് വൺ പ്രവേശനത്തിന്റെ ട്രയൽ അലോട്ട്മെന്റ് പരിശോധിക്കാം. ആദ്യം അലോട്ട്മെന്റ് ലിസ്റ്റ് സെപ്റ്റംബർ 22ന് പ്രസിദ്ധീകരിക്കും. പ്ലസ് വൺ പ്രവേശനത്തിനായി രജിസ്റ്റർ ചെയ്ത വിദ്യാർത്ഥികൾക്ക് ഔദ്യോഗിക വെബ്സൈറ്റുകളായ hscap.kerala.gov.in, admission.dge.kerala.gov.in എന്നിവ സന്ദർശിക്കുക.
സെപ്റ്റംബർ 3 ആയിരുന്നു രജിസ്റ്റർ ചെയ്യാനുള്ള അവസാന തീയതി. കൊവിഡിന്റെ പശ്ചാത്തലത്തിൽ പ്രവേശന നടപടികൾ ഓൺലൈനായാണ് നടക്കുന്നത്. വിദ്യാർത്ഥികൾ ട്രയൽ അലോട്ട്മെന്റ് പരിശോധിക്കുക.
ജെ.ഇ.ഇ അഡ്വാൻസ്ഡ് പരീക്ഷ: ഓൺലൈൻ രജിസ്ട്രേഷൻ മാറ്റിവെച്ചു; എന്നു മുതൽ അപേക്ഷിക്കാം?
ട്രയൽ അലോട്ട്മെന്റ് പരിശോധിക്കാനായി hscap.kerala.gov.in സന്ദർശിക്കുക. ഹോം പേജിൽ കാണുന്ന Candidates Login ൽ ക്ലിക്ക് ചെയ്യാം. പുതിയ ഒരു വിൻഡോ തുറക്കപ്പെടും. അപേക്ഷാ നമ്പർ, പാസ്വേർഡ്, ജില്ല എന്നിവ നൽകിയതിന് ശേഷം ലോഗിൻ ചെയ്യുക. തുടർന്ന് submit ൽ ക്ലിക്ക് ചെയ്യുന്നതോടെ പ്ലസ് വൺ ട്രയൽ അലോട്ടമെന്റ് പരിശോധിക്കാം. ഇതിന്റെ പ്രിന്റെടുത്ത് സൂക്ഷിക്കുകയും ചെയ്യുക.
കൊവിഡിന്റെ പശ്ചാത്തലത്തൽ ഇത്തവണ പ്രവേശന നടപടികൾ ഓൺലൈനായാണ്. വിദ്യാർത്ഥികൾ സ്കൂളിലെത്തേണ്ട കാര്യമില്ല. എല്ലാ നടപടികളും ഓൺലൈനായി നടക്കും. മെയിൻ അലോട്ട്മെന്റ് ഒക്ടോബർ 18 വരെയുണ്ടായിരിക്കും. പ്രവേശനം പിൻവലിക്കാൻ നവംബർ 25 വരെ സമയമുണ്ട്.
