കോഴിക്കോട്: സൈക്കിളിംഗില്‍ ദേശീയ തലത്തില്‍ മത്സരിക്കാന്‍ യോഗ്യത നേടിയ അബീഷ ഷിബിക്ക് സാമ്പത്തിക സഹായവുമായി ബോച്ചെ. വയനാട് ജില്ലയിലെ മേപ്പാടി പഞ്ചായത്തില്‍ വെള്ളിത്തോട് താമസിക്കുന്ന അബീഷ് ഷിബിക്ക് ഹരിയാനയില്‍ വച്ച് നടക്കുന്ന മത്സരത്തില്‍ പങ്കെടുക്കുന്നതിനുള്ള ചെലവ് സാമ്പത്തികമായി പിന്നാക്കം നില്‍ക്കുന്ന കുടുംബത്തിന് താങ്ങാവുന്നതിലുമപ്പുറമായിരുന്നു. ഈ വിവരം തന്റെ പേരിലുള്ള ചാരിറ്റബിള്‍ ട്രസ്റ്റ് വഴി അറിഞ്ഞ ബോചെ സഹായം നല്‍കാന്‍ മുന്നോട്ടു വരികയായിരുന്നു. ബോചെ ഫാന്‍സ് ചാരിറ്റബിള്‍ ട്രസ്റ്റ് വയനാട് ജില്ലാ കമ്മറ്റി മുഖേന അബീഷ് ഷിബിക്ക് 25,000 രൂപ കൈമാറി. ചാരിറ്റബിള്‍ ട്രസ്റ്റ് സെക്രട്ടറി പട്ടു വിയ്യനാടന്‍, ട്രഷറര്‍ ജോസ് രമേഷ് എക്‌സിക്യുട്ടീവ് കമ്മറ്റി അംഗങ്ങള്‍ എന്നിവര്‍ പങ്കെടുത്തു.
