അടച്ചിട്ട സിനിമ തീയറ്ററിന് അഞ്ചേകാല്‍ ലക്ഷം
രൂപയുടെ വൈദ്യുതി ബില്ല് നല്കി കെഎസ്ഇബി
കോട്ടയം: അടച്ചിട്ട സിനിമ തീയറ്ററിന് അഞ്ചേകാല്‍ ലക്ഷം രൂപയുടെ വൈദ്യുതി ബില്ല് നല്കി കെഎസ്ഇബി. കോട്ടയം ബ്ലോക്ക് പഞ്ചായത്ത് അംഗവും പള്ളിക്കത്തോട് അഞ്ചാനി തീയറ്റര്‍ ഉടമയുമായ ജിജി അഞ്ചാനിയ്ക്കാണ് കെഎസ്ഇബിയുടെ 'ഷോക്ക് ട്രീറ്റ്മെന്റ്'.
2019 ഡിസംബറിലാണ് യുവസംരംഭകന്‍ ജിജി 'അഞ്ചാനി സിനിമാസ്' എന്ന തീയറ്റര്‍ തുടങ്ങിയത്. കൊവിഡ് പശ്ചാത്തലത്തില്‍ മാര്‍ച്ചില്‍ എല്ലാ തീയറ്ററുകള്‍ക്കും ഒപ്പം ജിജിയുടെ തീയറ്ററും അടച്ചിരുന്നു.
ഇങ്ങനെ അടച്ചിട്ട തീയറ്ററിനാണ് അഞ്ചേകാല്‍ ലക്ഷത്തിന്റെ വൈദ്യുതി ബില്‍ ലഭിച്ചത്. ജിഎസ്ടിക്ക് പുറമെ വിനോദനികുതി കൂടി ഏര്‍പ്പെടുത്തി നടുവൊടിച്ചാല്‍ ഒരു തീയറ്റര്‍ ഉടമയ്ക്കും തിരിച്ചുവരാന്‍ കഴിയില്ലെന്നും ജീവിക്കാന്‍ മറ്റ് വഴിയില്ലെന്നും ജിജി പറഞ്ഞു.
